Almaty qalasynyń Ekologıa jáne qorshaǵan orta basqarmasy jyl saıynǵy «Jasyl aýla» aksıasy aıasynda kógaldandyrý jáne jasyl qordy saqtaý baǵdarlamasyn jalǵastyryp keledi, dep habarlaıdy aqshamnews.kz
2025 jyldyń kóktemgi kezeńinde 228 ótinim maquldanyp, shamamen 2 myń japyraqty aǵash kósheti tegin taratylady. Qala turǵyndary kópqabatty úılerdiń aýlasyn jáne qoǵamdyq keńistikterdi kógaldandyrý úshin kóshetterdi tegin ala alady.
Kóshetter 2025 jyly 19-20 sáýirde myna mekenjaı boıynsha ár aýdannyń komúnıtı ortalyqtarynda taratylady:
1. Áýezov aýdany – Mamyr-1 sh/a., 26/1.
2. Alataý aýdany – Saıaly sh/a., 71
3. Medeý aýdany – Nazarbaev dańǵ, 36.
4. Jetisý aýdany – Botkın k-si, 20.
5. Túrksib aýdany – Jas Qanat sh/a., 49A
6. Almaly aýdany – Baıtursynov k-si, 22/1.
7. Naýryzbaı aýdany – Shuǵyla sh/a., 343/7.
8. Bostandyq aýdany – Abaı dańǵ, 164/6.
Ár komúnıtı ortalyqta 100 danaǵa deıin kóshet taratylady.
Kóshetterdiń negizgi bóligi myna mekenjaıda daıyndalady: Alataý aýdany, Rysqulov dańǵyly, 1/1 (JSHS «Eco Almaty»).
Aksıaǵa qatysýshylar keıinnen kóshetterdi otyrǵyzǵany jóninde fotoesep tapsyrýǵa tıis.
Qosymsha aqparatty Almaty qalasy Ekologıa jáne qorshaǵan orta basqarmasynyń jasyl qordy baqylaý jáne basqarý bóliminen myna telefon nómiri arqyly alýǵa bolady: +7 771 894 34 57
«Jasyl aýla» aksıasy – Almatynyń árbir turǵynyna qalany kógaldandyrýǵa úlesin qosýǵa jáne ony jasyl ári jaıly etýge múmkindik beretin erekshe joba.