Almaty qalasynda «Balalar qaýipsizdigi – ortaq mindetimiz» atty jalpyqalalyq ata-analar jınalysy ótti. Atalǵan sharany Almaty qalasynyń Bilim basqarmasy, Psıhologıalyq qoldaý ortalyǵy, prokýratýra, polısıa jáne psıhıkalyq densaýlyq mekemeleri birlesip uıymdastyrdy.
Jıyn gıbrıdti formatta ótti: 216 ata-ana oflaın qatysyp, 2880 adam Zoom platformasy arqyly qosyldy.
Basty maqsat – ata-analardy balanyń qaýipsizdigin qamtamasyz etýge qatysty mańyzdy máselelermen tanystyrý. Atap aıtqanda: zorlyq-zombylyqtyń aldyn alý, kıberqaýipsizdik, gadjetterdi durys paıdalaný, esirtki men qumar oıyndarǵa táýeldiliktiń qaýpi, býllıng pen sýısıdtik minez-qulyqty boldyrmaý joldary, sondaı-aq UBT kezinde ata-analarǵa psıhologıalyq qoldaý kórsetý tásilderi qamtyldy.
Almaty qalasy Bilim basqarmasynyń basshysy Saıran Tapenuly Saıfedenov sharany ashyp, bala qaýipsizdigin qamtamasyz etýde mektep pen ata-ananyń birlesip jumys isteýiniń mańyzdylyǵyna toqtaldy. Ol balalardyń quqyq buzýshylyǵy men jaraqattanýyn boldyrmaý máselelerin erekshe atap ótti.
Jıynda túrli sala mamandary men sarapshylar óz tájirıbelerimen bólisip, ata-analarǵa naqty usynystar berdi. Ashyq dıalog alańy retinde uıymdastyrylǵan bul kezdesý mektep pen ata-ana arasyndaǵy senimdi nyǵaıtyp, balalardyń amandyǵy úshin birigip jumys isteýdiń tıimdi joldaryn usyndy.