Aqshamnews.kz redaksıasy "Kún sany" aıdarynda aptanyń eń mańyzdy derekterine sholý jasady.
3,9 mıllıon oqýshy oqý jylyn aıaqtaıdy
Oqý-aǵartý mınıstrliginiń málimetinshe, bıyl respýblıka boıynsha 3,9 mıllıon oqýshy oqý jylyn aıaqtaıdy. Onyń ishinde 391 myń bala – bastaýysh, 364 myńy – negizgi mektepti, al 217 myń túlek mekteppen qoshtasqaly otyr.
Oqý jylynyń aıaqtalýymen, ata-analar úshin mańyzdy kezeń – jazǵy demalysty durys uıymdastyrý bastalady. Almatyda 200-den asa mektep janynan jazǵy lagerler ashylyp, balalardyń qyzyqty da paıdaly demalysyn qamtamasyz etpek.
Mádenıet jáne óner qyzmetkerleri marapattaldy
Almatyda Mádenıet jáne óner qyzmetkerleri kúni atalyp ótti. Mádenıetti damytýǵa úles qosqan 50-den asa almatylyq memlekettik nagradaǵa ıe boldy.
Travmatologtar kúni: 240 myń adam emdeldi
20 mamyr – álem travmatologtary kásibı merekesin atap ótetin kún. Búginde Qazaqstanda 1508 travmatolog jumys istese, sonyń 174-i aýylda eńbek etip júr.
2024 jyly 240 myńnan asa adam jaraqat alyp, stasıonarlarda emdelgen.
Azıa chempıonatyndaǵy jetistik
Azıa chempıonatynda Qazaqstan sportshylary 22 altyn medal jeńip alyp, elimizdiń namysyn bıikten kórsetti. Salystyrmaly túrde 2024 jyly Astanada ótken Azıa chempıonatynda jastarymyz 11 altyn enshilegen edi.