Ulttyq tálim-tárbıe men bilim qundylyqtaryn boıyna sińirip, kásibı mamandar daıarlaýda baı tájirıbe jınaqtaǵan, burynǵy kınotehnıkýmnyń zańdy murageri — qazirgi Almaty Polytechnic College. Búginde bul oqý orny 85 jyldyq dańqty jolyn artqa tastap otyr.
1940 jyly qyrkúıekte KSRO Halyq Komısarlary Keńesi janyndaǵy kınematografıa isteri komıtetiniń tóraǵasy 1940 jylǵy 11 qyrkúıektegi №405 buıryqqa qol qoıyp, oqý ornynyń negizi qalandy. 1941 jyly Uly Otan soǵysynyń qıyn-qystaý kezeńinde Belorýssıadaǵy Vıtebsk kınotehnıkýmy Almatyǵa evakýasıalandy. Bul tarıhı sheshim qazaq jerinde jańa oqý ornynyń tamyryn tereńdetip, bilim salasyna tyń serpin berdi. Evakýasıalanǵan oqytýshylar men stýdentter almatylyq áriptesterimen birlesip jumys istep, oqý sapasyn arttyryp, kadrlar daıarlaý isin jalǵastyrdy. Lenıngrad pen Zagorsk kınotehnıkýmdarynyń qoldaýy da erekshe boldy.
1940 jyldary Almaty kınotehnıkýmy Odaq aýmaǵyndaǵy shyǵys óńirler men Orta Azıada kıno salasyna maman daıyndaıtyn jalǵyz oqý orny boldy. Soǵys jyldarynda da, odan keıingi kezeńde de bul mártebeli mindetti úzdiksiz atqardy.
Kolej tarıhynda kóptegen basshylardyń esimderi altyn áriptermen jazyldy: L.K. Shakala, J.A. Álimjanov, A.A. Jýk, I.Ia. Chýdnovskıı, V.V. Ivanovskaıa, G.A. Ivanov, O.V. Pavlovskıı, V.A. Seıpýlnık, L.A. Dernova-Semenúk, L.F. Dmıtrıev, P.P. Vozovıkov, J.T. Týrkpenov, H.H. Sanbaev, S.I. Núsipbekov, N.J. Jabyqbaev. Qazirgi tańda oqý ornyna Medet Asetuly Omarbekov basshylyq etýde.
1990 jyldary QR Mınıstrler Kabınetiniń qaýlysymen Kınotehnıkým men Mashına jasaý tehnıkýmy Qazaq ulttyq tehnıkalyq ýnıversıtetiniń quramyna biriktirildi. 1997 jyly QR Bilim, mádenıet jáne densaýlyq saqtaý mınıstriniń №200 buıryǵymen oqý ornyna «Almaty polıtehnıkalyq koleji» ataýy berildi. Kolejdiń damýyna zor úles qosqan tulǵalardyń biri — Serik Imanserikuly Núsipbekov.
Búgingi tańda Almaty Polytechnic College – tehnıkalyq jáne kásiptik bilim berý salasyndaǵy kóshbasshy oqý oryndarynyń biri. Kolej túlekteri túrli salada tabysty eńbek etýde. Olardyń qatarynda:
-
T.Taıtýleev – Almaty memlekettik energetıka jáne elektrondy tehnologıalar kolejiniń dırektory
-
B.Bozymbaev – Almaty elektromehanıkalyq kolejiniń dırektory
-
S.Súleımenov – Almaty jolaýshylar kóligi jáne tehnologıalar kolejiniń dırektory
-
E.Magazov – Almaty memlekettik kólik jáne komýnıkasıa kolejiniń dırektory
-
A. Beısetbaev – Almaty kópsalaly kolejiniń dırektory
-
Q.Iakenova – UIB kópsalaly kolejiniń dırektory
Kolejde kelesi baǵyttar boıynsha bilim beriledi:
-
«Baǵdarlamalyq qamtamasyz etý»
-
«Esepteý tehnıkasy jáne aqparattyq jeliler»
-
«Aqparattyq qaýipsizdik júıeleri»
-
«Radıotehnıka, elektronıka jáne telekomýnıkasıalar»
-
«Mashınalar men jabdyqtardy paıdalaný»
Túlekter arasynda elimizge tanymal mamandar jeterlik. Atap aıtqanda, Hodorenko Oleg Iýrevıch – «Metako» JSHS dırektory, Akımov Shyńǵys – «Qazaqstan» teleradıokorporasıasynyń tehnıkalyq dırektory, Janat Ómiráli – qoıýshy-operator, Týrmatov Baýyrjan – «BAUNER» jáne «FALCON-1» kompanıalarynyń negizin qalaýshy.
Kolej zamanaýı zerthanalarmen, IT-hub jáne Quzyretter ortalyǵymen jabdyqtalǵan. Bul ortalyqtarda stýdentter baǵdarlamalaý, grafıkalyq dızaın jáne derektermen jumys isteý baǵytynda tájirıbe jınaqtaıdy.
Almaty qalasynyń 2023–2030 jyldarǵa arnalǵan bilimdi damytý jol kartasy aıasynda oqytýshylar Qytaı, Koreıa, Malaızıa elderinde taǵylymdamadan ótti. Bul – kolejdi halyqaralyq standarttarǵa saı jańǵyrtý jolyndaǵy mańyzdy qadam.
Almaty Polytechnic College — úzdiksiz damyp kele jatqan oqý orny. Kolej stýdentteri WorldSkills chempıonattary men «Qazaqstan kolejderiniń TOP-100 stýdenti» baıqaýynda júldeli oryndardy ıelenip júr. 2024 jyly "KIROSHI" robototehnıka komandasy Nıderlandyda ótken First Tech Challenge halyqaralyq chempıonatynda jeńiske jetip, 2025 jyly AQSH-ta ótetin Premier Event Michiana jarysyna joldama aldy.
Kolejde «Polytech eriktileri», «Jas qyran», «Sanaly urpag» sekildi uıymdar men «Qyz – eldiń kórki», «Polytech ziatkerleri», «Tilder álemi» jobalary sátti jumys isteıdi. Bul uıymdar jastardyń azamattyq belsendiligi men rýhanı damýyna úles qosyp keledi.
Almaty Polytechnic College – ulttyq qundylyqtar men zamanaýı bilimdi ushtastyra otyryp, bolashaqqa senimmen qadam basyp kele jatqan oqý orny.
Omarbekov Medet Asetuly, kolej dırektory