Halyqaralyq Paralımpıada komıtetiniń úsh jaqty bıpart komıssásynyń sheshimimen qazaqstandyq para sportshy Sevda Alıeva Parıj-2024 Paralımpıada oıyndarynyń para oq atýdan lısenzıa ıegeri atandy, dep habarlaıdy almaty-akshamy.kz.
Sevda 10 metrlik P2 pnevmatıkalyq tapanshamen atý dısıplınasynda óner kórsetedi. Para oq atýdan bul osymen Qazaqstannyń ekinshi lısenzıasy. Budan buryn osy sport túrinde alǵashqy lısenzıany qazaqstandyq Erkin Ǵabbasov álem kýbogynda pnevmatıkalyq myltyqpen atýdan R1 dısıplınasynda jeńip alǵan bolatyn. Qazirgi ýaqytta Qazaqstannyń Paralımpıada oıyndarynda sporttyń 8 túrinen 21 lısenzıa bar.
Olardyń ishinde: para paýerlıftıng (5),
para jeńil atletıka (3),
para júzý (4),
voleıboldy otyryp oınaý (1),
para ústel tenısi (1),
para taekvondo (3),
para kanoe (2),
para oq atý (2).
XVII jazǵy Parıj-2024 Paralımpıada oıyndary 28 tamyz ben 8 qyrkúıek aralyǵynda ótedi. Jarysta 23 sport túrinen 549 medal jıyntyǵy oınatylady.