Túrkistan oblysynda sońǵy bir aptada 2 adam botýlızmge shaldyqty.
Olar Sozaq jáne Ordabasy aýdandarynyń 34-39 jastaǵy turǵyndary, dep habarlaıdy Almaty-akshamy.kz.
Anyqtalǵandaı, olar úı jaǵdaıynda daıyndalǵan konservilengen qıar tutynǵan. Nátıjesinde eki azamatta da mazasyzdaný, qusý, bas aınalý, jutyna almaý syndy botýlızmge tán klınıkalyq kórinister baıqalǵan. Sozaq aýdanynyń 34 jastaǵy turǵyny aýyr halde aýdandyq aýrýhananyń jansaqtaý bólimine jatqyzylsa, Ordabasy aýdanynyń 39 jastaǵy turǵyny aýdandyq aýrýhanada em alýda. Jaǵdaıy birqalypty.
Atalǵan jaıt boıynsha sanıtarıalyq-epıdemıologıalyq baqylaý basqarmasynyń qyzmetkerleri emdeý mekemeleri tarapynan túsken jedel habarlama negizinde aýrý oshaqtarynda sanıtarıalyq-epıdemıaǵa qarsy is-sharalaryn júrgizip, naýqastarmen baılanysta bolǵan azamattardy tirkeýge aldy. Tamaqtan ýlanýdyń, botýlızmniń aldyn alý maqsatynda sanıtarıalyq aǵartý jumystaryn júrgizdi. Qazirgi tańda adam densaýlyǵyna zıan keltirgen oqıǵa boıynsha zerdeleý jumystary jalǵasýda.
Aıtyp óteıik, 2023 jyly óńirde 4 adam botýlızmmen aýyrǵan bolatyn.
Oblystyń sanıtarlyq dárigerleri turǵyndardy konservilengen salattar men tuzdyqtardy tutynarda, dúkenderden satyp alatyn taǵamdardyń jasalý tehnologıasy men daıyndalǵan merzimderine asa mán berýge shaqyrady!