2023 jyldyń sońynda kásipker buryn qoldanǵan salyq rejımi boıynsha deklarasıa tapsyrýy tıis.
2024 jyldan bastap bólshek salyqtyń arnaıy salyq rejımin qoldanýǵa ruqsat etilgen qyzmet túrleriniń tizbesi keńeıtildi, dep habarlaıdy almaty-akshamy.kz QR QM Memlekettik kirister komıtetiniń baspasóz qyzmetine silteme jasap.
Buryn bul tizbede 190 qyzmet túri bolsa, endi mundaı qyzmet túrleri 364-ke jetti.
"Atalǵan ózgeris Qazaqstan Respýblıkasy Úkimetiniń 2023 jylǵy 29 jeltoqsandaǵy №1240 qaýlysymen qabyldandy, Qaýlynyń kúshine enýiniń josparlanǵan kúni – 2024 jylǵy 15 qańtar. Osyǵan baılanysty, bólshek salyq rejımine aýysqysy keletin salyq tóleýshiler 2024 jylǵy qańtarda qoldanylatyn rejım týraly habarlamany usynýy qajet. Bul habarlamany "e-Salyq Business" mobıldi qosymshasy arqyly berýge bolady", – dep jazylǵan habarlamada.
Rejımdi qoldanýdyń bastalatyn kúni – osyndaı habarlama berilgen aıdan keıingi aıdyń birinshi kúni (ıaǵnı 2024 jylǵy 1 aqpanda).
Bul rette 2023 jyldyń jáne 2024 jyldyń qańtar aıynyń qorytyndysy boıynsha kásipker buryn qoldanǵan salyq rejımi boıynsha deklarasıany tapsyrýy tıis.