Jazdyń shilińgir ystyǵy tek adamdarǵa emes, temir tulparlarǵa da áser etedi. Kóliktiń qatty qyzyp ketýi onyń isten shyǵýyna ákelýi múmkin. Aqshamnews.kz tilshisi kólikti aptaptan qorǵaıtyn bes keńes usynady.
1. Kólikti kóleńkege nemese jabyq turaqqa qoıyńyz
Kúnniń astynda kólik salonynda temperatýra 60-70 gradýsqa deıin jetýi múmkin. "Qaınap" turǵan kólikke otyrý múmkin emes. Eger kóleńke tappasańyz, aldyńǵy terezege shaǵylystyrǵysh japqysh (solnsezashıtnyı ekran - esk.) qoıǵanyńyz jón. Bul salon temperatýrasyn 10-15 gradýsqa deıin tómendetedi.
2. Salondy jeldetip alyp otyryńyz
Kólikke otyra salysymen kondısıonerdi qosýǵa asyqpańyz. Aldymen esikter men terezelerdi ashyp, birneshe mınýt jeldetińiz. Sonda kondısıonerge de aýyrlyq túspeıdi.
3. Kondısıonerdi durys paıdalanyńyz
Keıbir júrgizýshiler kondısıonerdi eń tómengi temperatýraǵa qoıyp, keıin aýyryp jatady. Densaýlyqqa keri áserin tıgizbes úshin ony salondaǵy aýa temperatýrasyn baıaý túsirý qajet.
4. Kólikke arnalǵan salqyndatqysh qural nemese jeldetkish qoldanyńyz
Qazir kólik salonyna arnalǵan shaǵyn jeldetkishter men salqyndatqysh qurylǵylar bar. Olar júrgizýshiniń ystyǵy basylǵansha kómektese alady. Taǵy bir laıfhak - muz salynǵan bótelkeni de edenge qoıyńyz, bul aptapta kómegin tıgizedi.
5. Jolǵa shyǵarda ózińiz de, kóligińiz de daıyn bolsyn
Qatty ystyqta uzaq jolǵa shyǵar aldynda dóńgelek qysymyn, qozǵaltqyshtaǵy sý men maı deńgeıin tekserińiz. Sýsyz júrmeńiz. Qaýipsizdik úshin ystyqta kólik ishinde ottyq, benzın quıylǵan plasık kanıstr, ýaıt-spırıt sıaqty eritkishter, boıaý nemese gaz balondaryn ásirese kún astynda qaldyrmańyz.