Almatyda zańsyz salynǵan kezektí nysan súríldí, - dep habarlaıdy aqshamnews.kz.
Almatynyń qala qūrylysyn baqylau basqarmasynyń málímetínshe, Qarasaı batyr men Jūmalıev kósheleríníń qıynysyndaǵy úıde óz betínshe salynǵan qosymsha nysan sot sheshímí boıynsha súríledí.
Tūrǵyndardyń ótíníshí negízínde júrgízílgen jospardan tys tekseru barysynda menshík ıesíníń (jeke tūlǵanyń - esk.) rūqsat qūjattarynyń joǵyna qaramastan qosalqy jáne kíreberís nysandardy salǵany anyqtaldy.
Menshík ıesíne qatysty ákímshílík sharalar qabyldandy. Ol Almaty qalasynyń ákímshílík qūqyqbūzushylyqtar jóníndegí mamandandyrylǵan audanaralyq sotynyń qaulysymen kínálí dep tanylyp, ákímshílík aıyppūl arqalady. Zańsyz tūrǵyzylǵan qūrylys májbúrlep būzu ūıǵarymymen súríletín boldy.
Almaty qalalyq sotynyń 2025 jylǵy 13 qańtardaǵy qaulysymen bírínshí satydaǵy sheshím ózgeríssíz qaldy.
Sot sheshímín oryndau barysynda nysandy menshík ıesíníń ózí būzdy.