Qyzmettiń barlyq túri úshin «sary» aımaqtaǵy shekteýler alyndy
Bas memlekettik sanıtarıa dáriger Aıjan Esmaǵambetova birden eki qaýlyǵa qol qoıdy, onda «kók» statýsy bar qazaqstandyqtar úshin keıbir shekteýler alyndy, dep habarlaıdy Almaty-akshamy.kz.
19 aqpannan bastap kelesi shekteýler kúshine enedi:
1. Beıtarap «kók» mártebesi bar kelýshiler úshin «qyzyl» aımaqtaǵy kóp adam jınalatyn oryndarǵa - SOO, saýda úıleri men saýda jelilerine, kórmelerge, karaoke, túngi klýbtarǵa, sport keshenderine, baseınderge, sporttyq is-sharalar men marafondarǵa, saýyqtyrý jáne dinı obektilerge, oıyn klýbtaryna, kazınolarǵa barǵan kezde, sondaı-aq úı-jaılardy 70 paıyzǵa deıin toltyrǵan kezde saltanatty, estelik, oıyn-saýyq jáne ózge de is-sharalarǵa shekteýler alyndy.
2. Qyzmettiń barlyq túri úshin «sary» aımaqtaǵy shekteýler alyndy.
3. Aýrý belgileri bolmaǵan jaǵdaıda baılanysta bolǵan adamdardy úı karantınine oqshaýlaý joıyldy.
4. Pfizer vaksınasyn qoldaný arqyly vaksınasıalaýǵa jatatyn adamdardyń tizimi keńeıtildi: birinshi, ekinshi jáne úshinshi toptaǵy múgedektigi bar adamdar jáne vaksınanyń birinshi dozasyn shetelde alǵan adamdar bastapqy kýrsty aıaqtaı alady.
5. Pfizer vaksınasyn qoldanyp, qaıta vaksınasıalaýǵa jatatyn adamdardyń tizimi keńeıtildi: birinshi, ekinshi jáne úshinshi toptaǵy múgedekter jáne 50 jastan asqan adamdar.