ádebı-tanymdyq baıqaýy ótip jatyr
Búgin Alataý aýdanyndaǵy kreatıvtik ortalyqta «Kitap – asyl qazyna» dep atalatyn ádebı baıqaý ótip jatyr. Almaty qalalyq Qoǵamdyq damý ortalyǵy bastamasymen uıymdastyrylǵan bul baıqaýǵa qaladaǵy mektepterdiń joǵary synyp oqýshylary men JOO stýdentteri qatysýda.
Ádebı-tanymdyq is-shara qazaq ádebıetiniń asa kórnekti tulǵalary - Abaı Qunanbaev- 180 jyl, Saparǵalı Begalın- 130 jyl, Sábıt Muqanov- 125 jyl, Ábý Sársenbaev- 120 jyl, İlıas Esenberlın- 110 jyl, Málik Ǵabdýllın- 110 jyl mereıtoılaryna arnalǵan.
Baıqaýda qazylyq etýge belgili sarapshylar, jýrnalıser, óner qaıratkerleri shaqyrylypty.
Murat MUQASH, jýrnalısıka ardageri, qazylar alqasy múshesi:
Búgingi baıqaý jan-jaqty uıymdastyrylypty. Bastysy kitap oqıtyn, ony taldap-talqylaýǵa beıimi bar joǵarǵy synyp oqýshylary men ýnıversıtet stýdentteri kelipti. Oqý baǵdarlamasynan bólek, osyndaı baıqaý, tvorchestvolyq keshter jas býynnyń ózderiniń de shyǵarmashylyqqa bet burýyna áser eteri sózsiz. Shyn máninde kitap asyl qazyna. Kitap oqyǵan býynnyń biletini kóp, bilimi tereń bolady .
Gúlshat KÓPTİLEÝOVA, Abaı atyndaǵy respýblıkalyq mektep oqýshysy, baıqaýǵa qatysýshy:
Biz osyndaı baıqaýlar arqyly tanymdyq-taǵylymdyǵymyzdy keńeıtip, biletinimizdi jetildiremiz. Ásirese, shyǵarmashylyqpen aınalysatyndarǵa mol múmkindik. Almaty basshylyǵy memlekettik tildiń órisin keńeıtetin osyndaı is sharalardy jıi uıymdastyrsa degen tilek bar.
Baıqaý qorytyndysy boıynsha jeńimpazdarǵa arnaıy dıplomdar, alǵys hattar, syılyqtar beriledi.