Jelide Graff premıým klasty TÚK páterler satý týraly habarlandyrýlar tarap jatyr. Qurylys salýshy «Qaraǵaıly qurylys» JSHS qolma-qol esep aıyrysýdan bastap ıpotekalyq nesıeleýge deıingi satyp alýdyń túrli nusqasyn usynady, dep habarlaıdy Almaty-akshamy.kz.
Alaıda TÚK-de jobalaý aldyndaǵy qujattama alynbaǵan, avtorlyq jáne tehnıkalyq qadaǵalaý joq, jer telimi úı salýǵa emes, jeke qosalqy sharýashylyq júrgizýge arnalǵan.
Qazirgi tańda qala qurylysyn baqylaý basqarmasy qurylys salýshyǵa qatysty jospardan tys tekserýdi bastaıdy.
Jyljymaıtyn múlikti satyp almas buryn, salynyp jatqan TÚK qujattarynyń bar-joǵyn tekserý qajet.
Muny Almaty qalasy qala qurylysyn baqylaý basqarmasynyń +7 (727) 229-81-36 jedel jelisi arqyly bilýge bolady.
