Nashaqorlyq dendep tur
Nashaqorlyq tyıylmaı tur. Sondyqtan da İshki ister mınıstrligi ata-analardy saq bolýǵa shaqyrdy, dep habarlaıdy Almaty-akshamy.kz Almaty telearnasynyń saıtyna silteme jasap.
Esirtki qylmysyna qarsy is-qımyl departamentiniń basqarma bastyǵy Baqytjan Ámirhanovtyń aıtýynsha, búginde dárihanalarda satylatyn san alýan preparattyń keıbiriniń quramynda esirtki zaty bar, keıbireýinde joq. Soǵan qaramastan, olar adamdy esinen adastyrady. Mysaly, tropıkamıd pen sıklomed sıaqty kózge tamyzatyn dárilerdi de esirtki zaty retinde paıdalanady eken.
«Sonyń ishinde eń qaýiptisi – «Tramadol» preparaty. Bul – sıntetıkalyq opıodty anelgetık nemese sıntetıkalyq geroın. Dál osy tramadoldan nashaqorlyq bastalady. Oǵan táýeldi bolǵan adamdy birden anyqtaý qıyn. Sebebi nashaqor tumaýmen aýyrǵandaı bolady. Bir nárseden ýlanǵandaı bolyp kórinedi. Jasóspirim preparatty paıdalansa, ata-ana baıqamaı qalýy da múmkin», – dedi QR İİM esirtki qylmysyna qarsy is-qımyl departamentiniń basqarma bastyǵy Baqytjan Ámirhanov.