Nazarbaev ýnıversıtetiniń Prezıdenti Shıgeo Katsý otstavkaǵa ketedi
Nazarbaev Ýnıversıteti 2023 jyldyń 15 maýsymynan bastap Prezıdent Shıgeo Katsýdyń otstavkaǵa ketetinin jarıalady, dep habarlaıdy Almaty-akshamy.kz oqý ornynyń roesmı saıtyna silteme jasap.
13 jylǵa jýyq qyzmet atqarǵannan keıin Prezıdent Katsý óz laýazymynan ketý týraly sheshim qabyldady. Ýnıversıtet qaýymdastyǵy Nazarbaev Ýnıversıtetin konsepsıadan Qazaqstandaǵy birinshi álemdik deńgeıdegi zertteý ýnıversıtetine aınaldyrǵan Prezıdent Katsýǵa kórnekti kóshbasshylyǵy men kóregendigi úshin zor alǵysyn bildiredi.
Prezıdent Katsýdyń basshylyǵymyn Nazarbaev Ýnıversıteti aımaqtaǵy jetekshi joǵary oqý orny retinde belgili nátıjelerge qol jetkizdi. Bıylǵy kúzde Nazarbaev Ýnıversıtet tuńǵysh ret Times Higher Education ýnıversıtetterdiń álemdik reıtıńine kiretin bolady. Prezıdent Katsýdyń kemeldikke jáne ınovasıalarǵa degen myzǵymas berilgendigi merıtokratıa jáne akademıalyq adaldyq prınsıpterine negizdelgen ozyq zertteýler, akademıalyq ósý jáne halyqaralyq yntymaqtastyq úshin jaǵdaı jasaýda mańyzdy ról atqardy. Nazarbaev Ýnıversıtetiniń qaýymdastyǵy Prezıdent Katsýǵa onyń úlken úlesi men turaqty áseri úshin alǵysyn bildiredi.
Prezıdenttik qyzmetinen ketkennen keıin Shıgeo Katsý Nazarbaev Ýnıversıtetiniń Qamqorshylyq keńesiniń múshesi retinde ýnıversıtettiń damýyna óz úlesin qosady. Sondaı-aq Nazarbaev Zıatkerlik mektepteri, Nazarbaev Qorynyń Qamqorshylyq keńesiniń múshesi jáne Joǵary qamqorshylyq keńesiniń múshesi retinde qyzmetin jalǵastyrady. Prezıdent Katsýdyń tájirıbesi men kóshbasshylyǵy Qazaqstannyń bilim berý salasyn odan ári damytýǵa kómektesedi. Shıgeo Katsý sonymen qatar ýnıversıtet prezıdentiniń mindetin atqarýshynyń keńesshisi qyzmetin atqarady.
Nazarbaev Ýnıversıteti Shıgeo Katsýdyń muragerin halyqaralyq deńgeıde izdep belgilegenshe, provost Ilesanmı Adesıda ýnıversıtet prezıdenti mindetin atqaratyn bolady. Nazarbaev Ýnıversıtetiniń qaýymdastyǵy doktor Adesıda óziniń baı akademıalyq tájirıbesin jańa laýazymǵa engizetinine senimdi.
Doktor Adesıda 2016 jyldyń qazan aıynan bastap Nazarbaev Ýnıversıtetiniń provosty qyzmetin atqardy. Nazarbaev Ýnıversıtetine kelgenge deıin ol tabysty akademıalyq mansap quryp, Ýrbana-SHampeındegi Illınoıs ýnıversıtetinde (UIUC) túrli qurmetti laýazymdarda qyzmet etti. UIUC-de ol akademıalyq suraqtar jónindegi prorektor jáne vıse-kansleri bolǵan, odar buryn áıgili Injenerlik kolejdiń dekany, mıkro jáne nanotehnologıalar zerthanasynyń dırektory jáne Donald Bıggar Ýıllett ınjenerıa profesory qyzmetterin atqardy. Doktordyń nanotehnologıalardaǵy, joǵary jyldamdyqty qurylǵylar men optoelektrondyq sqemalardaǵy tájirıbesi keń halyqaralyq deńgeıde qabyldanyp, profesor Adesıda AQSH Ulttyq ınjenerlik akademıasynyń múshesi bolyp saılandy. Provost Adesıdanyń jetekshiligimen Nazarbaev Ýnıversıteti ǵylymı-zertteý qyzmetinde aıtarlyqtaı jetistikterge jetti.
Nazarbaev Ýnıversıteti Prezıdent Shıgeo Katsýǵa transformasıalyq kóshbasshylyǵy úshin shynaıy alǵysyn bildirip, Prezıdenttiń mindetin atqarýshy Ilesanmı Adesıdany jańa qyzmetinde qarsy alady.