Elimizdegi zıatkerlik mektepterdiń eki oqýshysy úzdik jas fızıkterdiń qataryna qosyldy.
Almatydaǵy fızıka-matematıka baǵytyndaǵy NIS oqýshysy Ersultan Pitebaı Asian Physics Olympiad-tyń (APhO) jeńimpazy atanyp, altyn medal aldy, dep habarlaıdy Almaty-akshamy.kz.
Egemen.kz-tiń aqparaty boıynsha, ol byltyr Úndistanda ótken saıysta qola medal alǵan bolatyn.
Al Aqtóbedegi Zıatkerlik mektep oqýshysy Álisher Erkebaev Azıa olımpıadasynyń qola júldesin ekinshi márte enshiledi.
APhO – Azıa-Tynyq muhıty elderi oqýshylary arasynda 2000 jyldan beri ótkizilip kele jatqan bedeldi bilim báıgesi. Bıylǵy olımpıada Monǵolıanyń astanasy Ulanbatyr qalasynda ótti.