Ótkenniń kelmesine ketken kúnderdi ańsaıtyndar áli de aramyzda bar sıaqty...
Bulaı deýge jaqynda elimizdiń soltústiginde orys tilinde shyǵatyn «Severnyı Kazahstan» gazetiniń aıqara betinde jarıalanǵan jazbalar sebep bolyp otyr. Onda búgingi urpaq múlde tanymaıtyn, túsinbeıtin jat túsinikter: «komsomol», «VLKSM» degen sózderge toly tarıh qoınaýyna ketken kúnderin saǵynǵan jandardyń júrekjardy pikirleri berilipti.
Bul týraly Facebook qoldanýshysy Merýert Keńesbekqyzy óziniń paraqshasynda jarıalaǵan.
«Eldiń soltústiginde shyǵatyn «Severnyı Kazahstan» gazeti aıqara betin ańsaýǵa toly maqalaǵa toltyrypty. VLKSM- memlekettik mereke me edi?» - degen pikir qaldyrypty jazba ıesi.
Jazbanyń sońyndaǵy pikirler bóliminde avtordyń «mynadaı túsiniktegi pendeler barda bizdiń el bolýymyz qıyn-aý...» degen keıistigi de baıqalady.
Elimizde osyǵan uqsas jaǵdaılar qylań berip berip júrgeni birinshi ret emes.
Esterińizge sala keteıik, 19 naýryz kúni Petropavldaǵy kolejderdiń birinde bir top adam jıyn ótkizip, «halyq keńesin» qurǵanyn málimdedi. Jınalǵandar uıym quryp, ózderin elden egemen uıym retinde jarıalaıtynyn aıtqan edi.
Alynǵan materıaldar boıynsha sot psıhologıalyq-fılologıalyq saraptamasy júrgizip, onyń qorytyndysy boıynsha materıaldarda Qazaqstan Respýblıkasyn ydyratýdy nasıhattaý, memleket qaýipsizdigine nuqsan keltirý, onyń aýmaǵynyń tutastyǵy men birligin buzýdy nasıhattaý belgileri bar ekenin aıtqan bolatyn.
Al «Severnyı Kazahstan» basylymy neni saǵynyp júr?