Jusan Bank resmı ataýyn túbegeıli ózgertip, Alatau City Bank atandy, dep habarlaıdy aqshamnews.kz
Bank rebrendıng týraly alǵash ret mamyr aıynyń sońynda habarlaǵan bolatyn.
Bank "Azamattarǵa arnalǵan úkimet" memlekettik korporasıasynda qaıta tirkeýden ótip, resmı ataýyn ózgertýdi aıaqtady. Degenmen, ataýdy tolyq aýystyrý prosesi biraz ýaqyt alady. Bul kezeńde túrli servıster men aqparattyq júıelerde banktiń eski jáne jańa ataýy qatar qoldanylatyn bolady.
Sondyqtan bank ázirge eki ataýdy da – eski jáne jańany – jeke qyzmetterde, qujattarda, aqparattyq júıelerde jáne t.b. qoldanýǵa bolatynyn atap ótti. Ataýdy ózgertý boıynsha is-sharalar jalǵasýda jáne biraz ýaqyt qajet.
"Bank óziniń memleket, klıentter jáne seriktester aldyndaǵy barlyq mindettemelerin sol kúıinde saqtaıdy. Rebrendıng bank ónimderi men qyzmetteriniń jumysyna áser etpeıdi", – delingen habarlamada.
Jusan Bank-tiń rebrendıng jasaıtyny 28 mamyrda belgili boldy. Bank bul sheshimdi Almaty oblysynda ótken jyly qurylǵan Alataý qalasynyń damýyna atsalysý nıetimen túsindirdi. Jańa logotıptiń elementteri qalanyń 4 aýdanyn bildiredi.
Kaspi.kz kompanıasynyń teń ıesi Vácheslav Kım, Jusan Bank-ti satyp alýǵa Qarjy naryǵyn retteý jáne damytý agenttiginen (QNRDA) ruqsat alǵannan keıin, Alataý qalasyna jeke qarajatynan 1 mıllıard dollar ınvestısıa salatynyn málimdegen bolatyn.
Qazirgi ýaqytta Jusan Bank-tiń negizgi ıesi – kásipker Ǵalymjan Esenov. Onyń baqylaýyndaǵy First Heartland Securities kompanıasy banktiń 79,89% aksıasyna ıe. Al qalǵan bóligi tikeleı ózine tıesili.