Naýryz aıynan jolaýshylar poıyzdaryna tekserý jumystary bastalady.
"Talgo" jolaýshylar poıyzdaryn baqylaý kúsheıtiledi, dep habarlaıdy Almaty-akshamy.kz Indýstrıa jáne ınfraqurylymdyq damý mınıstrliginiń kólik komıtetine silteme jasap.
Naýryz aıynan jolaýshylar poıyzdaryna tekserý jumystary bastalady. Ol jyljymaly quram jasaqtalatyn pýnkterde júzege asyrylady.
Sońǵy úsh jylda Patentes Talgo S.L. kompanıasynyń júrdek poıyzdarynda tehnıkalyq vagondar 3 ret órtengen. Oǵan sebep - jyljymaly quram ıeleriniń órtke qarsy qaýipsizdik erejelerin saqtamaýy.
"Byltyr ındýstrıa jáne ınfraqurylymdyq damý mınıstrligi kólik komıtetiniń aýmaqtyq bólimsheleri órt qaýipsizdiginiń talaptaryn buzǵan 100-den astam faktini anyqtaǵan. 2 mıllıon teńgeden astam ákimshilik aıyppul salynyp, óndirilgen", - dep málimdedi mınıstrlik.
Kóliktik baqylaý organdary "Arshaly – Anar" ýchaskesinde Petropavl – Almaty baǵytyndaǵy jolaýshylar poıyzynyń tehnıkalyq vagonyndaǵy órttiń shyǵýyna baılanysty Patentes Talgo S.L. jolaýshylar poıyzdaryna profılaktıkalyq baqylaý jumystaryn kúsheıtýdi uıǵardy. Tekserý nátıjesi jarıalanady.
Aqaýy bar vagondar reıske shyǵarylmaıdy. Temirjol kóligimen jolaýshylardy tasymaldaý salasynda qandaı da bir óreskel kemshilikter baıqalsa, mınıstrliktiń kólik komıtetine qarasty ortalyqtyń +77080880800 nemese 98-35-35 nómiri boıynsha senim telefonyna habarlasyp, tıisti aqparatty jetkizýge bolady.