Danelıa Tóleshova taǵy da AQSH jurtshylyǵyn ónerimen tánti etti
16 jastaǵy qazaqstandyq ánshi Danelıa Tóleshova America' s Got Talent shoýynda taǵy da óner kórsetti, dep habarlaıdy Almaty-akshamy.kz. QazAqparatqa silteme jasap.
Qazaqstandyq jas ánshi tanymal shoýdyń birinshi kezeńinde golandıalyq ánshi Arcade Dýnkana Loýrenstyń aǵylshyn tilindegi ánin tańdady. Ol ádettegishe ádilqazylar men kórermenderdiń ystyq yqylasyna bólendi. Olar ornynan turyp, qol shapalaqtady. Qazylar alqasynyń quramynda bolǵan aktrısa ári telejúrgizýshi Haıdı Klým qazaqstandyq ánshiniń ónerin joǵary baǵalady.
Sahnaǵa shyqqan Danelıa qazylar men kórermenderge ózi týraly aıtyp, tanymal shoýǵa talanty men qabiletin kórsetý úshin taǵy kelgenin málimdedi.
Eske salaıyq, qazaqstandyq ánshi Danelıa Tóleshova 2020 jyly AQSH-ta ótken America' s Got Talent óner dodasyna qatysyp, aqtyq synyna joldama alǵan bolatyn.
Aıta keter bolsaq, Danelıa America’s Got Talent shoý jobasynda qazylar alqasyn tań qaldyrǵan bolatyn. Onyń ónerine tánti bolǵan zal tik turyp, qol soqty.