Joǵarǵy Sottyń qylmystyq ister jónindegi sot alqasynyń tóraǵasy Nazgúl Rahmetýllına Ulttyq qaýipsizdik komıteti tóraǵasynyń burynǵy orynbasary Samat Ábishtiń 8 jylǵa shartty túrde sottalýy qanshalyqty zańdy degen suraqqa jaýap berdi, dep habarlaıdy almaty-akshamy.kz.
Rahmetýllınanyń aıtýynsha, shartty túrde sottaý tájirıbesi Qazaqstanda jıi qoldanylady. Ol ásirese asa aýyr qylmystarǵa jatpaıtyn isterde keńinen paıdalanylady. Alaıda, sybaılas jemqorlyq qylmystary úshin shartty jaza qoldanylmaıdy.
"Shartty jaza jıi qoldanylady. Ol asa aýyr qylmystar úshin qoldanylmaıdy, eger jazalaý merzimi 12 jyldan asqan bolsa, sybaılas jemqorlyq qylmystary úshin qoldanylmaıdy. Adamnyń buryn sotty bolǵan-sottalmaǵany, onyń minez-qulqy qandaı, sottylyǵy bar-joǵy eskeriledi. Qylmys jasaý kezinde keltirilgen zıannyń ornyn toltyrdy degen shartty jaza óte jıi qoldanylady, naqty sıfrdy qazir aıta almaımyn», - dedi Nazgúl Rahmetýllına.
Sonymen qatar, qylmystyq kodekstiń 63-babynda shartty túrde jaza qoldanylmaıtyn qylmystardyń tizimi bar ekenin atap ótti.
"Shartty túrde sottaýdy qoldanýǵa negiz bar ma, joq pa, eger oǵan tyıym salynbasa, sot jekeleı sheshim qabyldaıdy", - dep túsindirdi sot alqasynyń tóraǵasy.
Bul túsiniktemeler boıynsha, Samat Ábishtiń 8 jylǵa shartty túrde sottalýy zańsyz emes jáne bul sheshim zańǵa sáıkes qabyldanǵan.