Búgin elimizdiń burynǵy Densaýlyq saqtaý mınıstri, medısına ǵylymdarynyń kandıdaty, Qazaqstan Respýblıkasynyń Eńbek sińirgen qyzmetkeri, KSRO densaýlyq saqtaý úzdigi, medısına qyzmetkerleriniń kóptegen urpaqtarynyń tálimgeri Talapqalı Ábishuly İzmuhambetov qaıtys boldy, dep habarlaıdy Almaty-akshamy.kz.
Talapqalı Ábishuly kásibı qyzmetin hırýrg dárigerden bastady, sodan keıin aýdandyq ortalyq aýrýhananyń bas dárigeri, Shyǵys Qazaqstan jáne Almaty oblystyq densaýlyq saqtaý bólimderi meńgerýshisiniń orynbasary jáne meńgerýshisi bolyp jumys istedi. 1987-1990 jyldary Qazaq KSR Densaýlyq saqtaý mınıstri qyzmetin atqardy.
Medısınalyq qoǵamdastyqtyń, kóptegen stýdentterdiń, áriptesterdiń esinde ol jarqyn erekshe tulǵa, óz isiniń úlken entýzıasty bolyp qala beredi, ol ultty saýyqtyrý boıynsha birqatar iri bastamalardyń avtory boldy.
Densaýlyq saqtaý mınıstrligi Uly dárigerdiń barlyq jaqyndary men týystaryna qaıǵylaryna ortaqtasyp kóńil aıtady. Talapqalı Ábishulynyń baǵa jetpes eńbekteri, aýqymdy ıdeıalary qazaqstandyqtardyń kóptegen urpaqtarynyń densaýlyǵy úshin qyzmet etetin bolady.