Memleketke bir mıllıard teńgeniń shyǵyny óteldi, dep habarlaıdy almaty-akshamy.kz bas áskerı prokýratýranyń baspasóz qyzmetine silteme jasap.
Vedomstvanyń 2024 jylǵy 10 shildedegi habarlamasynda:
Astana qalasynyń mamandandyrylǵan aýdanaralyq ekonomıkalyq sotynyń sheshimimen Qorǵanys mınıstrliginiń "K-Dorstroy" AQ-na 1 mlrd 36 mln teńge kóleminde avanstyq tólem jáne 31 mln teńge somasynda turaqsyzdyq aıybyn óndirý týraly talap aryzy qanaǵattandyryldy.
Atalǵan AQ Almaty oblysynyń İle aýdanyndaǵy "Jetigen" aerodromynyń ushý alańyna kúrdeli jóndeý jumystaryn júrgizýge mindettengen, biraq kelisim sharttaryn oryndamaǵan.
"Sot sheshimin uzaq ýaqyt oryndamaýyna baılanysty Bas áskerı prokýratýra birqatar sharalar qabyldap, ádilet organdaryna qadaǵalaý aktisin engizdi."Bas áskerı prokýratýra
Nátıjeleri boıynsha zalal tolyq kólemde óteldi: boryshker memleket kirisine 1 mlrd 67 mln teńge aýdardy.