Fýtboldan Ispanıa ulttyq quramasy Eýropa chempıonatynyń fınalyna shyqty. Olar jartylaı fınalda Fransıa quramasyn jarys jolynan shyǵardy, dep habarlaıdy almaty-akshamy.kz.
Ispanıa men Fransıa quramalary arasyndaǵy oıyn tartysqa toly boldy. Jankúıerler birinshi taımnyń ózinde-aq úsh gol kórdi. Alańǵa maskasyz shyqqan Kılıan Mbappe nátıjeli pas berip, Kolo Mýanı baspen gol soqty. Nátıjesinde fransýzdardy alǵa shyǵardy.
21-mınýtta Lamın Iamal alystan shıire teýip gol soǵyp, tarazy basyn teńestirdi. Eýropa chempıonaty tarıhynda gol soqqan eń jas oıynshy rekordyn jańartty.
Birinshi taım aıaqtalǵanǵa deıin "qyzyl fýrıa" esepti teńestirip qana qoımaı, ekinshi golyn da soqty. Danı Olmo osy Eýropa chempıonatyndaǵy úshinshi golyn soǵyp, mergender tizimine ilikti.
Ekinshi taımda quramalar esepti ózgerte alǵan joq. 2:1 esebi saqtalyp, "qyzyl fýrıa" fınalǵa joldama aldy.
Fınalǵa shyqqan ekinshi qurama erteń Anglıa men Nıderland quramalary arasyndaǵy oıynnan keıin anyqtalady.