Almatyda Buqtyrma kóshesi men Qulja traktiniń qıylysynda jolaıryǵy estakadasynyń jol bóliginde shuńqyrlar paıda bolǵan.
Áleýmettik jelilerde qala turǵyndary jańadan salynǵan nysannyń jol jamylǵysynda aqaýlardyń qaıdan paıda bolǵandyǵy jóninde saýal qoıa bastady. Almaty qalalyq mobıldilik basqarmasy estakada boıynsha qozǵalys 2021 jyly ashylǵanyn, biraq jolaıryǵy 2023 jyldyń qazan aıynda paıdalanýǵa berilgendikten, nysan 2026 jylǵa deıin kepildikte ekenin málim etti, dep habarlaıdy almaty-akshamy.kz.
«Aldyn ala málimetter boıynsha, asfáltbeton jabynynyń aqaýlary gıdrooqshaýlaǵysh materıaldyń qabyrshaqtanýy saldarynan paıda boldy. Onyń naqtyly sebepterin anyqtaý úshin zaqymdanǵan ýchaske ashylady. «Bazis construction» JSHS kompanıasyna kepildik mindettemeleriaıasynda óz qarajaty esebinen aldaǵy 10 kún ishinde qalpyna keltirý jumystaryn júrgizýge nusqaý berildi», - delingen habarlamada. Basqarma qozǵalys qaýipsizdigin qamtamasyz etý úshin qazirgi kezde aqaýly ýchaskege ýaqytsha jóndeý júrgizilgenin aıtty.