Kúdiktiler qamaýda otyr.
Almaty polısıasy jeti urlyqqa qatysy bar kúdiktilerdi ustady, dep habarlaıdy Almaty-akshamy.kz Polisia.kz-ke silteme jasap.
Jedel ýákilder urlanǵan zatty satyp alýshyny Jambyl oblysy Qordaı aýdanynda ustady. Qolda bar málimetter boıynsha, ol Qyrǵyzstan shekarasynan ótip, Almaty turǵyndaryna urlanǵan telefondardy satpaq bolǵan.
«Sonymen qatar qylmystyq toptyń taǵy úsh múshesi: bir satyp alýshy men eki oryndaýshy ustaldy. Olardyń mindetterine bótenniń múlkin jasyryn jolmen urlaý kirdi. Qazir olardyń jeti urlyqqa qatysy bar ekeni anyqtaldy. Muz aıdynynda bir derek tirkeldi, qalǵan telefondardy kúdikti qoǵamdyq kólik jolaýshylarynyń qaltasynan shyǵaryp alǵan», – dedi Medeý aýdandyq polısıa basqarmasynyń bastyǵy İlıas Ómirserikov.
Qazirgi ýaqytta sotqa deıingi tergeý amaldary júrgizilip jatyr. Tárkilengen telefondar sotqa deıingi tergeýdiń biryńǵaı tizilimine QR QK-niń 188-babymen tirkeldi.