Bul - Syrtqy ister mınıstri Muhtar Tileýberdiniń pikiri.
Qazaqstannyń Syrtqy ister mınıstri Muhtar Tileýberdi japondyq NHK telearnasyna bergen suhbatynda Reseıge qarsy sanksıalar Qazaqstan ekonomıkasyna da keri áserin tıgizip jatqanyn aıtty, dep habarlaıdy Almaty-akshamy.kz.
«Reseı men Qazaqstandy tyǵyz ekonomıkalyq qatynastar baılanystyrady. Reseıge qarsy sanksıalar Qazaqstan ekonomıkasyna da keri áserin tıgizedi. Biz Reseıge qarsy sanksıalarǵa qosylmaımyz, biraq sonymen birge respýblıka ekonomıkasyn ártúrli kásiporyndar shekteý sharalaryn aınalyp ótý úshin paıdalanbaıdy degen qaǵıdany ustanamyz»,- dedi Syrtqy ister mınıstri Muhtar Tileýberdi.
Mınıstrdiń aıtýynsha, Reseı men Ýkraına – Qazaqstannyń ejelden bergi dostary. Prezıdent Toqaev eki eldiń kóshbasshylarymen únemi baılanysta bolyp, olardyń ózara beıbitshilikke kelýine shaqyrýda.
«Qazaqstannyń kólik jáne logıstıka úshin tranzıttik pýnkt retinde damý áleýetine erekshe nazar aýdarylady. Meniń oıymsha, bul sheteldik ınvestısıany tartyp, Eýropa men Azıany biriktiretin ortalyqqa aınalady», – dedi SİM basshysy.