Jol jabyq bolǵanyna qaramastan qozǵalǵan júrgizýshi Qazaqstan Respýblıkasynyń Ákimshilik quqyq buzýshylyq týraly kodeksiniń 667-babyna sáıkes jaýapqa tartylady, dep habarlaıdy aqshamnews.kz
Bul bap «Quqyq qorǵaý nemese arnaıy memlekettik organ qyzmetkeriniń zańdy buıryǵyna nemese talabyna baǵynbaý» dep atalady. Jaza retinde 30 aılyq eseptik kórsetkish mólsherinde aıyppul (2025 jyly – 78 640 teńge, 2026 jyly – 86 500 teńge) nemese 15 táýlikke deıin ákimshilik qamaýǵa alý qarastyrylǵan.
Sonymen qatar, kólik quralyn joldyń júrý bóligine durys ornalastyrmaý, qarsy baǵyttaǵy jolaqqa shyǵý, qaýipti manevr jasaý, uıymdastyrylǵan kólik kolonnasyn bólý nemese kólikterdiń arasyna kirip ketý tárizdi áreketter úshin 15 aılyq eseptik kórsetkish mólsherinde aıyppul salynady (2025 jyly – 58 980 teńge, 2026 jyly – 64 875 teńge).
«QazAvtoJol» ulttyq kompanıasynyń habarlaýynsha, saǵat 18:00-degi jaǵdaı boıynsha aýa raıynyń nasharlaýyna baılanysty Shyǵys Qazaqstan oblysynda respýblıkalyq mańyzy bar eki jol ýchaskesinde júk kólikteri men qoǵamdyq kólikterdiń qozǵalysyna ýaqytsha shekteý engizildi:
«Óskemen – Rıdder» avtojoly, 15–105 shaqyrym (Beloýsovka eldi mekeni – Rıdder qalasy aralyǵy);
«Óskemen – Shemonaıha» avtojoly, 1104–1191 shaqyrym (Glýbokoe aýylyna burylys – Shemonaıha qalasy aralyǵy).