Almatyda 1986 jylǵy Jeltoqsan qūrbandaryna arnalǵan eske alu jıyndary óttí. Ís-sharaǵa jeltoqsan qatysushylarymen bírge qala basshylyǵy, zıyaly qauym ókílderí jáne qala tūrǵyndary qatysty.
Ís-shara barysynda táuelsízdík jolynda janyn qıǵan jandardyń ruhyna taǵzym jasalyp, qūran baǵyshtaldy, sondaı aq eskertkísh aldyna gúl shoqtary qoıyldy. Sonymen qatar, qala audandarynda arnaıy as berílíp, Jeltoqsan qatysushylaryna qūrmet kórsetíldí.
Jeltoqsanshy, «1986 jyl. Jeltoqsan» qoǵamdyq bírlestígíníń tóraǵasy Baqyt Baınıyaz táuelsízdík - sol kezdegí jastardyń basty armany bolǵanyn atap óttí.
– Jeltoqsannyń basty maqsaty oryndaldy – elímíz táuelsízdík aldy. Qazír bíz derbes memleketpíz. Bízdíń qoǵamdyq bírlestíktíń tósbelgísínde Jeltoqsan kúní men sol tarıhı jyl beınelengen. Ondaǵy maqsatymyz – būl oqıǵanyń ūmytylmauy, jastarǵa úlgí boluy. Bíz úshín eń qymbat qūndylyq – táuelsízdík,- dep qorytty ol.
Būl tarıhymyzdaǵy táuelsízdíkke bastar joldaǵy mańyzdy kezeńderdíń bírí. Mūndaı taǵzym ís-sharalary ūlt jadyn jańǵyrtyp, jas ūrpaqqa tarıhı sabaqtastyqty nasıhattaıdy