Eldegi jedel járdem qyzmetkerleri endi vıdeojetonmen júredi.
Bolashaqta vıdeojetondy emhanadaǵy dárigerler men medbıkeler de paıdalanady, dep habarlaıdy aqshamnews.kz.
Bul týraly densaýlyq saqtaý mınıstri Aqmaral Álnazarova málimdedi.
Densaýlyq saqtaý mınıstrligi aqhalattylardyń qaýipsizdigi úshin medısına qyzmetkerlerin vıdeojeton taǵyp júrýge mindettemek.
«Biz osy normaǵa byltyr bastamashy bolǵan edik. Al endi bıyl tıisti buıryqtarǵa engizdik. Pılottyq rejımde Almaty men Astanada oblystyq jedel járdem stansıalaryndaǵy medısınalyq qyzmetkerlerdiń vıdeojeton taǵýy máselesin pysyqtadyq. Bul medısınalyq qyzmetkerlerdi de, keıbir buzaqylardy tártipke úıretedi», - deıdi Álnazarova Úkimette ótken brıfıńte.
Mınıstrdiń aıtýynsha, birinshi kezeńde vıdeojetonmen jedel járdem qyzmetkerleri qamtylsa, ekinshi kezeńde emhanalardaǵy dárigerler men medbıkelerge de vıdeojeton berý máselesi qarastyrylyp jatyr.
«Meniń oıymsha, muny iske asyrý úshin bizge úsh aı ýaqyt kerek. Al jetondardy satyp alý jumysy medısınalyq uıymdar men ákimdikter tarapynan júzege asady», - dedi ol.