Farhat Daýylbekov, Úlken aýylynyń turǵyny:
Zıandy dep aıtýshylar bar, biraq biz shynaıy ómirde ár nárseniń eki jaǵy baryn túsinýimiz kerek. Eger bárin zıandy dep tyıyp tastasaq, qarańǵyda otyratyn kúnge jetemiz. Shetelder áldeqashan atom energıasyn qoldanyp, damyp ketti. Japonıa sıaqty elderde jıyrmadan astam AES jumys istep tur. Qazaqstanǵa da osyndaı bir-eki AES ornatýǵa nege bolmaıdy? Elektr energıasynyń baǵasy kún saıyn ósip jatyr, al AES – bul máseleni sheshýdiń tıimdi joly.
Úlken aýylynyń turǵyndary úshin bul joba aýyldy qaıta jańǵyrtýǵa úlken múmkindik bolmaq. Jumys oryndarynyń ashylýy, aýyldaǵy ınfraqurylymnyń damýy jáne jergilikti ekonomıkanyń órkendeýi – osynyń bári AES qurylysyna baılanysty. Jastar qalaǵa ketýge májbúr bolmaıdy, aýylda turaqty jumys pen damýǵa jol ashylady.