Almaty ákiminiń tapsyrmasy boıynsha jergilikti búdjetten 10 AEK-ke Jastar praktıkasy boıynsha tólem qosymsha ulǵaıtylatyn bolady.
Osylaısha, Jastar praktıkasy boıynsha jalaqy 122,5 myń teńgeni (40 AEK) quraıdy, oǵan Almaty ákimdigi 335,3 mln teńge bóldi. Bul týraly Óńirlik komýnıkasıalar qyzmetiniń onlaın-brıfınginde Almaty ákiminiń orynbasary Maqsat Qıqymov málimdedi.
«Ótken jyly jumyssyzdyq 5,3%-dan 5,1%-ǵa deıin tómendedi. Eńbek mınıstrligi belgilegen jospar boıynsha 51,7 myń, bir jylda 55,5 myń jańa jumys orny quryldy. Jumyssyzdyqty azaıtý boıynsha jumystar jalǵasatyn bolady», - dep atap ótti ákimniń orynbasary.
Aǵymdaǵy jyly 7 ulttyq joba (11 búdjettik baǵdarlama ákimshisi, 57 joba) sheńberinde 13 267 jumys ornyn qurý josparlanýda: «Sapaly bilim berý» ulttyq jobasy – 2 393 birlik (7 joba), «Qýatty óńirler – el damýynyń draıveri» - 1205 birlik (24 joba), «Kásipkerlikti damytý» - 9 223 birlik (23 joba), «Ornyqty ekonomıkalyq ósý» - 387 birlik (3 joba), «Ulttyq rýhanı jańǵyrý» - 59 birlik.
Jeke bastamalar aıasynda 3 ákimshi 500 jumys ornyn qurýmen 20 jobany iske asyrady: týrızm basqarmasy – 258 birlik, «Jasyl ekonomıka» – 198 birlik, sport – 44 birlik.
Kásipkerlik sýbektileri qalanyń 8 aýdanynda 30 994 jumys ornyn ashýdy josparlap otyr:
Alataý aýdany – 3800 birlik, Almaly aýdany – 4190, Áýezov aýdany – 4500, Bostandyq aýdany – 4104, Jetisý aýdany – 3500, Medeý aýdany – 3700, Naýryzbaı aýdany – 3400, Túrksib aýdany – 3800.
Jalpy, atalǵan sharalardyń arqasynda kem degende 50 myń jumys ornyn qurý mindeti qoıyldy.
Budan basqa, Almaty ákimi Baqytjan Saǵyntaevtyń tapsyrmasy boıynsha jastardy kásiptik-tehnıkalyq daıarlaý jáne jumyssyzdardy qaıta oqytý kúsheıtilip, keıinnen jumysqa ornalastyrylady.
Ol úshin jumyssyzdardy qysqa merzimdi oqytý boıynsha oqý baǵdarlamalary qaıta qaralatyn bolady (merzimi – 3 aı).
«Tájirıbe kóp bolady, aǵylshyn tilin, jumysshy kásipteriniń aqparattyq tehnologıalaryn oqytý boıynsha saǵattardy qospaǵanda, tıimsiz úlgilik oqytýdan ketemiz. Oqytý praktıkaǵa baǵdarlanǵan (praktıka barysynda teorıany oqytý), daǵdylarǵa úıretýge baǵyttalǵan bolady», - dep atap ótti M. Qıqymov.
Kásipkerlikti damytý jónindegi Ulttyq jospar aıasynda qosymsha 3 aı merzimge (keıinnen jumysqa ornalastyra otyryp) 20 AEK (61 260 teńge) tólemdi tólemdi sýbsıdıalap, jumys berýshilerde jumys ornynda oqytý boıynsha jańa tetik iske qosylady.
Aǵymdaǵy jyldan bastap jastar praktıkasy boıynsha jalaqy 25-ten 30 AEK-ke deıin (91 890 teńge) ulǵaıtyldy. Bul jetkiliksiz ekenin eskere otyryp, ákimniń tapsyrmasy boıynsha jergilikti búdjetten qosymsha taǵy 10 AEK-ke tólemdi ulǵaıtamyz, osylaısha jalaqy 122,5 myń teńgeni (40 AEK) quraıdy, oǵan biz 335,3 mln teńge bóldik.
Almaty ákiminiń orynbasary sondaı-aq, eger buryn Jastar tájirıbesi boıynsha 6 aıǵa jumysqa ornalastyrý qarastyrylǵan bolsa, qazir uıym Erejelerine ózgerister engizilýine baılanysty joldama 1 jylǵa deıingi merzimge júzege asyrylatynyn habarlady.
Aǵymdaǵy jyldan bastap jumys isteıtin múgedek adamdarǵa áleýmettik jumys oryndaryn sýbsıdıalaý mólsheri 63 myńnan 92 myń teńgege deıin ulǵaıtylady (9 AEK-ke nemese 28 myń teńgege, 405 mln teńge bólindi).
Múgedektigi bar adamdar úshin áleýmettik jumys oryndaryn uıymdastyrý Erejeleri boıynsha sýbsıdıa tólemi jumys berýshi belgilegen jalaqynyń 50% mólsherinde kózdeledi. Múgedek adamdardy tartatyn bızneske jáne úkimettik emes sektorǵa júktemeni azaıtý úshin ákimniń tapsyrmasy boıynsha jergilikti búdjetten jalaqynyń 80%-y nemese 92 myń teńge (91 890 teńge) sýbsıdıalanatyn bolady.