Qala ákiminiń orynbasary Maqsat Qıqymov bul týraly Almaty Óńirlik komýnıkasıalar qyzmetiniń brıfıńinde málimdedi, dep habarlaıdy almaty-akshamy.kz
Maqsat Qıqymov qańtar aıynyń basyndaǵy kúrdeli jáne qaýipti jaǵdaıǵa qaramastan, qalanyń bıznes-qoǵamdastyǵyna, ónerkásiptik kásiporyndaryna, azyq-túlik saýda obektilerine óndiris pen obektilerdiń jumys isteýiniń úzdiksiz úderisi úshin alǵysyn bildirdi.
«Búgin Almatyda barlyq 120 ónerkásiptik kásiporyn, 7,7 myń qyzmet kórsetý nysany jáne 51 bazar jumysyn qaıta bastady», - dep habarlady ákimniń orynbasary.
Sondaı-aq, onyń aıtýynsha, 110 azyq-túlik emes saýda obektileriniń 99-y, 93 saýda-oıyn-saýyq ortalyqtary men saýda úıleriniń 87-i, 220 JQS-nyń 190-y, 3 100 qoǵamdyq tamaqtaný obektileriniń 3068-i, sondaı-aq 975 dárihana óz qyzmetin qaıta jandandyrdy.
Azyq-túlik saýda obektileri boıynsha búgingi kúni qalada 149-dan 145 (97,3%) jumys isteıdi, qalǵan tórt fılıal (úsheýi – «Magným», bireýi – «Interfýd») 24 qańtarǵa deıin qyzmetin qalpyna keltirýdi josparlap otyr.
«Almaty óndirýshileri men QR óńirlerinen azyq-túlik jetkizýdiń barlyq arnalary qalpyna keltirildi. Qala boıynsha azyq-túlik taýarlarynyń tapshylyǵy baıqalmaıdy», - dep atap ótti ákimniń orynbasary.