Qazirgideı barlyq salada qymbatshylyq baıqalyp turǵan kezde, kóp turǵyndy mazalaıtyn suraqtyń biri – jaryqtyń baǵasy.
Búgin halyqtyń suraǵyna onlaın rejımde jaýap bergen megapolıs basshysy Baqytjan Saǵyntaev qala mańaıyndaǵy qaraýsyz qalǵan elektr jelileri men jaryqtyń baǵasy týraly máselege toqtalyp ótti, dep habarlaıdy Almaty-akshamy.kz
«Qaraýsyz qalǵan jelilerdi tekserip, qarap otyrǵan eshkim joq. Ondaı jelilerdiń aqaýyn turǵyndar óz kúshimen jóndep alyp jatady. Kezdesýde halyq osy jelilerdi qalanyń qaraýyna ótkizseńizder dep edi, osyny birtindep iske asyryp jatyrmyz. Ótken jyly biz 1 mlrd teńgege osy jerlerge jóndeý jasadyq», - dedi Baqytjan Ábdiruly.
Qala ákiminiń aıtýynsha, qaraýsyz jelilerdi «Alataý jaryq» mekemesi óz qaramaǵyna ótkizgen jáne barlyq jelige jaýapty bolady.
Al jaryqtyń baǵasy týraly qala ákimi bylaı dedi: «Elektr energıasynyń tarıfi qala turǵyndary úshin 18 tg bolsa, jekege ótkizip alǵandardyń ishinde 28- 30 teńgege deıin baǵa qoıǵandar bar. Olardy da ózimizge qabyldap alǵymyz keledi, biraq bul ońaı sharýa emes. Ol sot arqyly sheshiletin, keminde 6 aı merzimde bitetin jumys. Jekemenshik bolǵan soń, ústinen paıda kórip otyrǵandyqtan, qalanyń qaraýyna bergisi kelmeıtinder de bar. Tarıfti qala ákimdigi belgilemeıdi, ol monopolıaǵa qarsy komıtettiń quzyrynda».