Musylmandar dinı basqarmasy men jergilikti din qyzmetkerleriniń 95 prosenti vaksına alǵan, dep habarlaıdy almaty-akshamy.kz 24 kz silteme jasap.
Mamandar qaýipti indetpen kúreste ekpe alý eń tıimdi sheshim ekenin aıtady. Naıb múftı Ershat Ońǵarovtyń aıtýynsha, jalpy musylman dininde vaksına sharıǵatqa qaıshy emes. Tónip turǵan qaýiptiń aldyn alý mindet sanalady.
Ershat Ońǵarov QR QMDB tóraǵasynyń orynbasary, naıb múftı:
- Ekpe, vaksına alýǵa sharıǵat qarsy emes. Sebebi densaýlyq - Allanyń bergen amanaty. Sol úshin de osy amanatty saqtaý - árbir musylmannyń mindeti. «Aýyryp qalsańdar, dárigerge baryńdar» dep Paıǵambarymyz ósıet etken. Qazir koronavırýs indetiniń adam ómirine óte qaýipti ekenin kórip otyrmyz. Jaqyn týystarymyz aýyryp, tipti qaza bolyp ketip jatyr. Sondyqtan musylman úshin tónip turǵan qaterdiń aldyn alý mindet. Alla Taǵala Quran Kárimde aıtady: «Óz-ózderińdi qaýip-qaterge tikpeńder. Saqtanyńdar».