Almaty qalasynda ótken jartylaı marafon kezinde eki qatysýshynyń qaza tabýy – aýyr ári erekshe nazar aýdarýdy qajet etetin jaǵdaı.
Týrızm jáne sport mınıstri Erbol Myrzabosynov bul týraly óziniń Instagram paraqshasynda jazdy, dep habarlaıdy aqshamnews.kz.
- Qazirgi ýaqytta oqıǵa boıynsha tolyqqandy tekseris júrgizilip jatyr. Qatysýshylardyń densaýlyq jaǵdaıy, jarysty uıymdastyrý tártibi, medısınalyq qamtamasyz etý deńgeıi men qaýipsizdik reglamenti jan-jaqty saraptalady,- dedi mınıstr.
Sondaı-aq ol sózinde jergilikti atqarýshy organdar ótkizetin mundaı sharalarǵa talapty kúsheıtiletinin atap ótti. Buqaralyq sport qaýipsiz ári kásibı deńgeıde uıymdastyrylýy tıis.
Týrızm jáne sport mınıstrligi bul baǵytta naqty usynystar ázirlep, tıisti qurylymdarǵa joldaıdy.
Qaza bolǵan azamattardyń jaqyndaryna kóńil aıtamyn!,- dep jazdy, Erbol Myrzabosynov.
Eske sala keteıik, keshe Almatydada ótken jartylaı marafon kezinde eki adamnyń qaıtys bolǵanyn habarlaǵan edik.