Jumyssyz boryshkerlerdi jumysqa ornalastyrý boıynsha jumystar júrgizilip jatyr.
Qazaqstanda byltyr otaý qurǵan 124 myń juptyń jartysyna jýyǵy ajyrasyp ketken, dep habarlaıdy aqshamnews.kz
Ádilet mınıstri Erlan Sársembaevtiń aıtýynsha, elde jumyssyz boryshkerlerdi jumysqa ornalastyrý boıynsha jumystar júrgizilip jatyr. Máselen, jumysqa ornalastyrylǵan boryshkerlerdiń sany jyl saıyn artyp keledi (2020 j.- 1 559, 2021 j.- 2 224, 2022 j. - 2 150, 2023 j. - 4 238) jáne 2024 jyly 6 232 boryshkerdi quraǵan.
Boryshkerlerge qatysty qoldanylatyn sharalardyń eń sońǵysy olardy ákimshilik jáne qylmystyq jaýapkershilikke tartý. 2024 jyly 4 642 boryshker ákimshilik jaýapkershilikke tartylǵan. Sotqa deıingi tergep-tekserýlerdiń biryńǵaı tiziliminde qylmystyq kodekstiń 139-baby boıynsha boryshkerdi qylmystyq jaýapkershilikke tartý boıynsha 745 is tirkelgen, sotqa 461 is jiberildi, 391 boryshker sottalǵan, – deıdi ol.
Ádilet mınıstriniń sózinshe, balalaryn asyraýǵa nıettiń bolmaýy, alıment tóleýden jaltarý otbasylyq-neke qatynastary daǵdarysynyń saldaryna aınalǵan. Buǵan dálel – tirkelgen 61 080 ajyrasý sanyn quraıtyn statısıkalyq kórsetkish, bul neke qıý sanynyń (124 774) jartysyna jýyǵyn quraǵan.