Buǵan deıin basqarmanyń janynan dinı aqparat berý ortalyǵy ashylǵanyn habarlaǵanbyz.
Bıyl Ramazan aıynda jarapazan jyryn jatqa aıtýdan saıys uıymdastyrylmaq, dep habarlaıdy Almaty-akshamy.kz
Bul týraly Qazaqstan musylmandary dinı basqarmasynyń tóraǵasy, elimizdiń bas múftıi Naýryzbaı qajy Taǵanuly málimdedi.
«Jarapazan – qasıetti Ramazan aıynyń kelgenin habarlaıtyn, halyqty izgilikke úndeıtin jyr. Jarapazan aıtý – dástúrimizde bar jaqsy úrdistiń, jaqsy ǵuryptyń biri. Qazaqstan musylmandary dinı basqarmasy Ramazan aıynda jarapazan jyryn jatqa aıtýshylar arasynda arnaıy saıystar uıymdastyrýdy josparlap otyr. Osy rette ıgi dástúrimizdi buqaralyq sıpatta nasıhattaý úshin aqparat quraldary ókilderin dinı basqarmanyń izgi bastamalaryna aqparattyq qoldaý kórsetýge úndeımin», - dedi Naýryzbaı qajy Taǵanuly.