Jekpe-jek segizinshi raýndta aıaqtaldy
Qazaqstan boksshysy Jánibek Álimhanuly (10-0, 6 KO) Las-Vegastaǵy (AQSH, Nevada shtaty) boks keshinde rıngke shyqty, dep habarlaıdy Almaty-akshamy.kz QazAqparat agenttigine silteme jasap.
Jánibek Álimhanuly (10-0, 6 KO) bul joly fransıalyq Hassan Ndam Njıkammen (38-5, 21 KO) qolǵap túıistirdi.
Orta salmaqta ótken jekpe-jek on raýndqa eseptelgen. Alaıda segizinshi raýnda Jánibek Álimhanuly qarsylasyn tehnıkalyq noaýtpen jeńdi. Fransýz boksshysy úshinshi raýndta nokdaýn alǵan edi.
Osylaısha Jánibek Álimhanuly kásipqoı boksta 11 márte jeńiske jetti. WBO Global chempıony tıtýlyn qorǵap qaldy. WBA Regular, WBO Interim jáne WBC Silver nusqalary boıynsha burynǵy álem chempıony fransýz Hassan Ndam Njıkam kásipqoı karerasynda altynshy reti jeńildi.
Jánibek Álimhanuly 1993 jyly 1 sáýirde dúnıege kelgen. Áýesqoı boksta 2013 jyly álem jáne Azıa chempıony atandy.
Al 2014 jyly Azıa oıyndarynda jeńis tuǵyrynan kórindi.
Kásipqoı boksta 2016 jyldan beri synǵa túsip keledi.
On jekpe-jeginiń barlyǵynda jeńiske jetti. Onyń altaýy nokaýtpen aıaqtaldy.