Bul týraly Májilistiń jalpy otyrysynan keıin Qarjy vıse-mınıstri Erjan Birjanov málim etti, dep habarlaıdy aqshamnews.kz.
— Salyq kodeksine sáıkes, salyq bereshegi salyqtyq qupıaǵa jatpaıdy. Salyq tólemeı júrgen boryshkerlerdiń tizimin jarıalaımyz. Tizimdi saıtymyzǵa ornalastyra alamyz, — dedi ol.
Onyń atap ótýinshe, endi salyq organdary bıznestiń bolmashy salyq somasy úshin búkil qyzmetine tosqaýyl qoımaıdy. Ádis ózgeredi.
— Burynyraq zeınetaqy ne áleýmettik tólemder boıynsha 100 teńge borysh bolǵan jaǵdaıda esepshot buǵattalatyn. Qazir salyq boıynsha shekti 20 AEK-ten joǵary, bul shamamen 80 myń teńge, qaıta qaradyq. Oǵan deıin jaı ǵana habarlandyrý jiberiledi. Boryshyńyz bar ekenin, sizge ósimpul esepteletinin eskertemiz. Kelesi qadam - 20-dan 45 AEK-ke deıin, 180 myń teńgege deıin biz ınkasasıalyq ókim bankińizge qoıylatynyn, salyqty tóleý qajettigin aıtamyz. Eger ol atalǵan somany tólemese, onda múlikti tizimge alý jáne ony satý júzege asyrylady. Sanksıa salyq mólsherine qaraı qoldanylady. Bolmashy somaǵa bola banktik esepshot buǵattalmaıdy, — dedi Erjan Birjanov.