Qala turǵyndaryna eskertý: ýaqytty aldyn ala josparlańyz
Almaty áýejaıy ókilderi qala turǵyndary men jolaýshylardan áýejaıǵa barar kezde joldaǵy ýaqytty aldyn ala esepke alyp, jóndeý jumystary eskeriletindeı etip saparlaryn josparlaýdy suraıdy.
«Qurmetti jolaýshylar! Jóndeý jumystaryna baılanysty kólik qozǵalysy ýaqytsha baıaý júrýi múmkin. Osyǵan baılanysty reısterge keshigýdiń aldyn alý úshin áýejaıǵa erterek kelýdi usynamyz», – delingen resmı habarlamada.
Jóndeý jumystary qashan aıaqtalady?
Jospar boıynsha jóndeý jumystary 2025 jyldyń 1 qyrkúıegine deıin jalǵasady. Osy ýaqyt aralyǵynda jolaýshylar men áýejaı qonaqtaryna qolaısyzdyqtar bolýy múmkin, alaıda bul sharalar áýejaı ınfraqurylymyn jaqsartý maqsatynda júrgizilýde.
Aıta keteıik, bul jumystar termınal qaýipsizdigin kúsheıtý men órt qaýipsizdigi júıelerin jańǵyrtý boıynsha keshendi jobanyń bir bóligi bolyp tabylady.
Almaty halyqaralyq áýejaıyndaǵy jóndeý jumystary jolaýshylar qaýipsizdigi men qyzmet sapasyn arttyrýdy kózdeıdi. Degenmen, qurylys júrip jatqan kezeńde qala turǵyndary men qonaqtarynan sabyrlyq tanytyp, saparlaryn aldyn ala josparlaý suralady.