Týrızm jáne sport mınıstrligi janynan jańa memlekettik organ – Oıyn bıznesi men lotereıany retteý komıteti quryldy. Úkimet qaýlysy "Ádilet" AQJ-da jarıalandy, dep habarlaıdy aqshamnews.kz.
"Ádilet" aqparattyq-quqyqtyq júıesiniń aqparatyna súıensek, úkimet Týrızm jáne sport mınıstrliginiń keıbir máselesi týraly 4 qyrkúıektegi qaýlyny bekitken.
"Qazaqstan Respýblıkasy Týrızm jáne sport mınıstrliginiń Týrızm ındýstrıasy komıteti Qazaqstan Respýblıkasy Týrızm jáne sport mınıstrliginiń Oıyn bıznesi jáne lotereıany retteý jónindegi komıtetin bólý arqyly qaıta qurylsyn", - dep jazylǵan habarlamada.
Týrızm jáne sport mınıstrliginiń resmı saıtyndaǵy aqparatqa sáıkes, endi vedomstvoda Týrızm ındýstrıasy komıteti, Sport jáne dene shynyqtyrý isteri komıteti, sondaı-aq jańadan qurylǵan. Oıyn bıznesi men lotereıany retteý komıteti jumys istemek.
Aıta keteıik, buǵan deıin qyrkúıekten bastap Qazaqstannyń Eńbek jáne halyqty áleýmettik qorǵaý mınıstrligi janynan Memlekettik eńbek ınspeksıasy komıteti jumys isteı bastaǵany habarlanǵan edi.