Qazaqstanda atom elektr stansıasyn (AES) salý qajet. Iadrolyq fızıka ınstıtýtynyń bazasynda sý-sý zertteý reaktory jumys isteıdi – bul bolashaqta Qazaqstanda salýdy josparlap otyrǵan atom elektr stansıasynyń prototıpi ispettes.
2012 jyldan 2016 jylǵa deıin bizdiń zertteý reaktorymyz tómen baıytylǵan ýranǵa aýysty. Iaǵnı, biz atom elektr stansıasynda atqarylýy tıis jumystardy kúndelikti, jyl saıyn oryndaımyz. 56 jyl boıy bizdiń reaktorda eshqandaı oqys oqıǵa oryn alǵan joq. Budan bólek, atomdardy ekonomıkadaǵy barlyq salalarda, ónerkásipten bastap medısına, aýyl sharýashylyǵy, azyq-túlik ónimderin óńdeýge deıin ıgilikti maqsatta qoldanýǵa bolady.
Elektr energıasy úzdiksiz jumys istegen kezde, onyń ózindik quny eń tómen bolady. Qazirgi ýaqytta adamzat úshin bul negizgi máselelerdiń biri. Sonymen qatar, atom elektr stansıasyn salatyn barlyq kompanıalar 60 jyldyq kepildik beredi. Alaıda tájirıbe kórsetkendeı, AES kem degende 80 jyl jumys isteı alady. Odan ári bul merzimdi 100 jylǵa deıin uzartýǵa bolady.