On jyldan astam ýaqyt boıy qyrkúıektiń ár ekinshi jeksenbisi Qazaqstanda Otbasy kúnin atap ótedi.
Mundaǵy maqsat – tárbıeniń bastaýy – otbasy ekenin uqtyryp, onyń qundylyqtaryn saqtap, nyǵaıtý, dep habarlaıdy aqshamnews.kz Qorǵanys mınıstrligine silteme jasap.
Elordada otbasy múshelerimen jumysty uıymdastyrý bóliminiń qyzmetkerleri ótkizgen onlaın-dáristiń arqasynda áskerı qyzmetshiler ákeniń bala tárbıesindegi róliniń qandaı ekenin bildi.
İs-sharaǵa áskerı qyzmetshilerdiń otbasylary, óńirlik qyzmet mamandary, dárigerler men psıhologtar qatysty. Qatysýshylar oılaryn ortaǵa salyp, pikirtalas ótkizdi.
Ýrolog-androlog Evgenıa Lapına maǵynaly dáris oqydy, al 36352 áskerı bóliminiń psıhology kapıtan Irına Gında trenıń uıymdastyrdy.
Psıholog qazirgi kezde er azamat áke atanýǵa balanyń anasymen birdeı baıyppen daıyndalýy kerek deıdi. Oǵan qosa ákesi ómiriniń alǵashqy kúnderinen bastap kútken sábıdiń psıhıkalyq jáne fızıkalyq damý deńgeıi joǵary bolatynyn, sezimtal jáne ákelerine jaqyn bolyp ósetinin mysalǵa keltirdi.
Elordadaǵy áskerı qyzmetshilerdiń otbasy múshelerimen jumysty uıymdastyrý jónindegi bólimniń mamandary óz jumystarynda osyndaı sharalardy jıi ótkizedi. Kelesi praktıkalyq sabaq «Jaqsy áke bolýdyń bes joly» degen atpen ótetin bolady.