Búgin Halyqaralyq ınjenerlik-tehnologıalyq ýnıversıteti (HITÝ) bazasynda «Jahandaný jaǵdaıynda bilim berý baǵdarlamalaryn jobalaý jáne iske asyrý sapasynyń ındıkatory retinde jumys berýshiniń kásibı daıarlyqtaǵy rólin arttyrý» taqyrybynda halyqaralyq forým ótti.
İs-sharaǵa kásiporyndar men jumys berýshilerdiń ókilderi, METU University basshylyǵy, sondaı-aq Túrkıa, Qytaı, Koreıa, Reseı jáne Qyrǵyzstan joǵary oqý oryndarynyń ókilderi qatysty, dep habarlaıdy aqshamnews.kz
HITÝ rektory, qaýymdastyrylǵan profesor G.A. Sarsenbekova óz sózinde jumys berýshilermen ýnıversıtettiń ózara árekettestigin arttyrýdyń, bilim berý baǵdarlamalarynyń sapasyn kóterý men stýdentterdiń praktıkalyq daıarlyǵyn kúsheıtýdiń mańyzdylyǵyn atap ótti. Ol forýmnyń jańa tehnologıalardy engizý, kásibı daıarlyqty yntalandyrý jáne stýdentterge mıkrokvalıfıkasıa berý máseleleri boıynsha tıimdi sheshimderdi izdeý alańy bolǵanyn aıtty.
Plenarlyq otyrys
Forýmnyń alǵashqy bóligi negizgi spıkerlerdiń tájirıbesi men kózqarastarymen bólisken baıandamalaryna arnaldy:
1.Bilim berýdi reformalaý jáne biliktilikti arttyrýdaǵy kóshbasshylyq: ınovasıalyq tájirıbeler men bilim berý tujyrymdamalary.
Huatec Information Technology Co., Ltd. kompanıasynyń (Pekın, Qytaı) halyqaralyq bilim berý josparlaý dırektory Tonı San bilim berýdegi ınovasıalyq tásilder týraly baıandama jasady.
2.Eńbek naryǵyn qazirgi zamanǵy syn-qaterlerge beıimdeýdegi shaǵyn jáne orta bıznestiń róli.
«Atameken» UKP shaǵyn kásipkerlikti damytý jáne halyqaralyq yntymaqtastyq jónindegi dırektordyń orynbasary m.a. Týrebekova Janar Meıramqyzy ýnıversıtetter men bıznes arasyndaǵy belsendi yntymaqtastyqtyń qajettiligin atap ótti.
3.Qazaqstan joǵary oqý oryndarynda IT-arnaıy pánderi boıynsha óndiristik-praktıkalyq bazany damytý.
«Akademset» JSHS bas dırektory Takabaev Tahır Maratovıch osy saladaǵy sátti tájirıbelermen bólisti.
4.Bilim berý, ǵylym jáne ónerkásipti biriktirýdegi ýnıversıtet róli.
Súleıman Demırel Ýnıversıtetiniń (Isparta, Túrkıa) syrtqy baılanystar departamentiniń basshysy doktor Ibragım Kýbılaı ýnıversıtetterdiń ártúrli salalardy biriktirýdegi mańyzdylyǵyn atap ótti.
5.Qazaqstan óńdeý ónerkásibine arnalǵan ekojúıe qurý jáne sıfrlyq ındýstrıany damytý.
Global Korea Center ortalyǵynyń dırektory Han Djın Son ozyq tehnologıalardy engizý úshin HITÝ-men strategıalyq áriptestik týraly baıandama jasady.
6.Halyqaralyq standarttarǵa sáıkes HITÝ stýdentterin kásibı daıarlaý men biliktilikke baǵyttalǵan tásil.
ACCA Qazaqstan jáne Ortalyq Azıa ókildiginiń basshysy Janna Iskenova ACCA halyqaralyq standarttaryna sáıkes HITÝ stýdentteriniń kásibı daıarlyǵy týraly baıandady.
Baıandamalar aıaqtalǵannan keıin HITÝ jáne birqatar jetekshi kompanıalar arasynda yntymaqtastyq týraly kelisimderge qol qoıý rásimi ótti:
•«Aqsaı» nan-toqash kombınaty» JSHS;
•«Goji» JSHS;
•«IFC COLOC» JSHS;
•«AlmatyEnergoSbyt» JSHS;
•«Byte Machine» JSHS jáne basqalar.
Qol qoıylǵan kelisimder oqý baǵdarlamalaryn birlesip ázirleýdi, dýaldi oqytý jobalaryn iske asyrýdy, ǵylymı-zertteý jumystaryn júrgizýdi jáne stýdentterdiń kásiporyndardyń praktıkalyq qyzmetine qatysýyn qarastyrady.
Forýmda erekshe nazar aýdarylǵan taqyryptar:
•Kásibı quzyretterdi qalyptastyrýda ýnıversıtetter men jumys berýshilerdiń ózara is-qımyly.
•Bilim berý jáne kásibı damýdaǵy kóshbasshylyq.
•Bilim berý jáne bıznes sektoryndaǵy ınovasıalyq tájirıbelerdi damytý.
Forým HITÝ-da zamanaýı zerthanalardyń ashylýynyń mańyzdy kezeńi boldy. Forým aıasynda baǵdarlamalyq ınjenerıa, bıohımıalyq ınjenerıa, azyq-túlik óndirisindegi tehnologıalar jáne smart-tehnologıalar salasyndaǵy ǵylymı-zertteý zerthanalarynyń saltanatty ashylýy ótti.
Bul ınovasıalyq keńistikter stýdentter men zertteýshilerge jańa múmkindikter ashyp, naryqtyń zamanaýı talaptaryn eskere otyryp, mamandardyń praktıkalyq daıarlyǵyn qamtamasyz etedi.
İs-shara zerthanalar men zertteý ortalyqtaryn halyqaralyq standarttarǵa jáne qazirgi zamanǵy ındýstrıa talaptaryna sáıkestendirý máselelerin talqylaýǵa arnalǵan baǵdarlamamen jalǵasty.
Bostandyq aýdanynyń jumys berýshileri forým bastamalaryn belsendi qoldap, stýdentterdiń kásiporyn bazasynda taǵylymdamalar men praktıkalyq sabaqtar ótkizý úshin óz resýrstaryn usyndy. Olar sondaı-aq jumys sesıalaryna qatysyp, óz tájirıbelerimen bólisti jáne bilikti kadrlardy daıarlaý salasyndaǵy yntymaqtastyq perspektıvalaryn talqylady.
Forým bilim berý, ǵylym jáne bıznesti ıntegrasıalaýdyń qazirgi zamanǵy mamandardy daıarlaýdaǵy mańyzdylyǵyn rastady jáne ózara tıimdi yntymaqtastyq úshin jańa kókjıekter ashty.