Kóktaıǵaq, tuman, boran bolady.
"Qazgıdromet" RMK sınoptıkteri Qazaqstannyń 13 oblysyna daýyldy eskertý jarıalady, dep habarlaıdy aqshamnews.kz
Mańǵystaý oblysynyń batysynda, ońtústiginde ońtústik-shyǵystan soqqan jeldiń ekpini 15-20 m/s deıin jetedi dep kútiledi.
Túnde jáne tańerteń Túrkistan oblysynyń batysynda, ońtústiginde, taýly aýdandarynda, sondaı-aq ortalyǵynda da tuman túsetini boljanady.
Abaı oblysynyń batysynda, soltústiginde, ortalyǵynda jaıaý burqasyn júredi dep kútiledi. Oblystyń batysynda, soltústiginde, ortalyǵynda ońtústik-shyǵystan, ońtústikten soqqan jeldiń ekpini 15-20 m/s, keı tusta 23 m/s deıin jetedi.
Túnde Aqtóbe oblysynyń batysynda, kúndiz soltústiginde, batysynda kóktaıǵaq, túnde 13 jeltoqsanda oblystyń soltústiginde, batysynda, ońtústiginde, kúndiz oblystyń basym bóliginde jaıaý burqasyn júredi, kóktaıǵaq bolad dep kútiledi. 13 jeltoqsanda túnde oblystyń batysynda, soltústiginde, ońtústiginde ońtústikten batysqa oıysa soqqan jeldiń ekpini 15-20 m/s, kúndiz oblystyń batysynda, soltústiginde, ońtústigindegi ekpini 25 m/s deıin jetedi. Aqtóbede 12 jeltoqsanda kúndiz kóktaıǵaq, 13 jeltoqsanda jaıaý burqasyn, kóktaıǵaq bolady dep kútiledi. Ońtústikten batysqa oıysa soqqan jeldiń ekpini - 15-20 m/s.
Shyǵys Qazaqstan oblysynyń soltústiginde, shyǵysynda jaıaý burqasyn júredi dep kútiledi. Oblystyń soltústiginde, shyǵysynda ońtústik-shyǵystan soqqan jeldiń ekpini 15-20 m/s quraıdy.
Qaraǵandy oblysynyń batysynda, soltústiginde jaıaý burqasyn júredi dep kútiledi. Oblystyń shyǵysynda, ońtústiginde tuman bolady. Ońtústik-batystan, ońtústikten jel soǵady, oblystyń batysynda, soltústiginde soqqan jeldiń ekpini 15-20 m/s quraıdy. Qaraǵandyda da ońtústik-batystan, ońtústikten jel soǵady, túndegi ekpini - 15-20 m/s.
Soltústik Qazaqstan oblysynyń soltústiginde, shyǵysynda jaıaý burqasyn júredi dep kútiledi. Ońtústik-batystan soqqan jeldiń ekpini 15-20 m/s, keı tusta 23-28 m/s deıin jetedi. Petropavlda jaıaý burqasyn júredi dep kútiledi. Ońtústik-batystan jel soǵady, soqqan jeldiń ekpini 15-20 m/s, keı tusta 25 m/s deıin jetedi.
Túnde Batys Qazaqstan oblysynyń batysynda, soltústiginde, kúndiz oblystyń basym bóliginde tuman, kóktaıǵaq bolady dep kútiledi. Kúndiz oblystyń batysynda, soltústiginde ońtústik-batystan, ońtústikten soqqan jeldiń ekpini 15-20 m/s quraıdy. Oralda tuman, kóktaıǵaq bolady. Ońtústik-batystan, ońtústikten jel soǵady, kúndizgi ekpini - 18 m/s.
Atyraý oblysynyń batysynda, soltústiginde, ońtústiginde kóktaıǵaq, tuman bolady dep kútiledi. Atyraý qalasynda da túnde jáne tańerteń tuman, kóktaıǵaq bolady dep boljanady.
Qostanaı oblysynyń soltústik jartysynda jaıaý burqasyn júredi dep kútiledi. Ońtústik-batystan jel soǵady, ekpini - 15-20 m/s. Qostanaı qalasynda da ońtústik-batystan jel soǵady, ekpini 15-20 m/s quraıdy.
Jetisý oblysynda ońtústik-shyǵystan jel soǵady, Alakól kólderi aýdanyndaǵy ekpini - 17-22 m/s.
Aqmola oblysynyń batysynda, soltústiginde, shyǵysynda jaıaý burqasyn júredi dep kútiledi. Ońtústik-batystan jel soǵady, kúshi - 15-20 m/s, oblystyń soltústiginde, shyǵysynda keı ýaqyttarda soqqan jeldiń ekpini 23-28 m/s deıin jetedi. Kókshetaýda da jaıaý burqasyn júredi. Ońtústik-batystan jel soǵady, kúshi - 15-20 m/s, keı ýaqyttarda ekpini 25 m/s deıin jetedi. Astanada da ońtústik-batystan jel soǵady, kúshi - 15-20 m/s, túnde jáne tańerteń ekpini 23 m/s deıin jetedi.
Pavlodar oblysynyń batysynda, ońtústiginde ońtústik-batystan soqqan jeldiń ekpini 15-20 m/s quraıdy dep kútiledi.