Qazaqstan Respýblıkasy polısıasy kúnine oraı İshki ister mınıstri Erjan Sadenov İshki ister organdarynyń qyzmetkerleri men ardagerlerine arnalǵan quttyqtaý jarıalady, - dep habarlaıdy aqshamnews.kz Polisia.kz-ke silteme jasap.
Vedomstvo basshysy polısıa jumysynyń mańyzdylyǵyn atap ótip, onyń árdaıym ádildik, abyroı jáne erliktiń sımvoly bolýy kerektigine nazar aýdardy. Ol áriptesterine tabandylyǵy, janqıarlyǵy jáne antqa adaldyǵy úshin alǵys bildirip, al ardagerlerge jas urpaqty tárbıeleýge qosqan úlesi men minsiz qyzmeti úshin erekshe rızashylyǵyn jetkizdi.
"İshki ister organdaryndaǵy qyzmet joǵary kásibılikti, tózimdilikti jáne óz isine sheksiz adaldyqty talap etedi. Búgin de, buǵan deıingideı, sizder tabandylyq, janqıarlyq pen antyna adaldyq tanytyp kelesizder. Sizderge zor densaýlyq, amandyq jáne jaqsylyq tileımin!" - dedi İshki ister mınıstri.
Atalǵan mereke 2007 jyly belgilengen jáne jyl saıyn 23 maýsymda — 1992 jyly "İshki ister organdary týraly" Zań qabyldanǵan kúni atalyp ótedi.