Bul zańǵa ózgeris engizgeli jatyr, dep habarlaıdy aqshamnews.kz
Atalǵan bastama týrasynda depýtattarǵa bergen jaýabynda úkimet basshysynyń orynbasary Roman Sklár aıtty.
Sklárdyń jaýabyna sáıkes, sıfrlyq naryqtarda adal básekelestikti Qazaqstannyń Básekelestikti qorǵaý jáne damytý agenttigi baqylaıdy.
Búginde Yandex Go, Uber, Glovo, InDrive jáne basqa da servıstik platformalar sıfrlyq jumyspen qamtý múmkindigin usynyp, básekelestik pen kásipkerliktiń damýyna yqpal etýde. 3 «Iandeks.Taksı Korp» JSHS (budan ári – Kompanıa) taksı boıynsha aqparattyq-dıspecherlik qyzmetter naryǵynda turaqty orynǵa ıe. Kompanıa komısıany tarıf túrine (ekonom, komfort, bıznes, qalaaralyq jáne t.b.) jáne eldi mekendegi qyzmetke suranys deńgeıine baılanysty ustaıdy. Komısıany tómendetý jáne ashyqtyqty arttyrý maqsatynda agenttik pen kompanıa arasynda monopolıaǵa qarsy komplaens kelisimi jasaldy. Komplaens shartyna sáıkes, eger tapsyrys quny bazalyq tarıften 2 ese asyp ketse, kompanıa osy artyq somadan komısıa ustamaıdy, ıaǵnı ol júrgizýshiniń tabysy bolyp qalady, – delingen jaýapta.
Sklár sonymen qatar, júrgizýshilerdiń taksoparktersiz tikeleı jumys isteý múmkindigin zańnamalyq túrde qamtamasyz etý jóninde túzetýler engizý bastamasy kóterilgenin, bul olardyń komısıalyq shyǵyndaryn azaıtýǵa múmkindik beretinin aıtady.
"Qazir taksı jolaýshylaryn tasymaldaý naryǵyndaǵy básekelestik jaı-kúıi, sondaı-aq tapsyrystardy rásimdeýde paıdalanylatyn aparattyq-baǵdarlamalyq keshender men mobıldik qosymshalar boıynsha josparly taldaý júrgizilýde. Sonymen qatar, halyqaralyq tájirıbege sáıkes, taksı qyzmeti, azamattyq avıasıa jáne temirjol jolaýshylar tasymaly salalaryndaǵy baǵa belgileý máseleleri tikeleı memlekettik retteýge jatpaıdy jáne naryq qatysýshylary arasynda básekelestik negizinde qalyptasady", – deıdi Sklár.