Qazaqstan Respýblıkasy Kólik vıse-mınıstri Talǵat Lastaev Iordanıa Hashımıt Koróldiginiń Qazaqstan Respýblıkasyndaǵy Tótenshe jáne Ókiletti Elshisi Hamza Ál-Omarı myrzamen kezdesti, dep habarlaıdy aqshamnews.kz
Buǵan deıin, Qazaqstan Respýblıkasynyń Prezıdenti Qasym-Jomart Toqaevtyń aǵymdaǵy jyldyń aqpan aıynda Iordanıa Hashımıt Koróldigine saparynyń qorytyndysy boıynsha Iordanıa tarapy Qazaqstanǵa ushýdy bastaýǵa nıet bildirdi.
Osyǵan oraı, kezdesý barysynda taraptar áýe qozǵalysy týraly kelisimge qol qoıý múmkindigin qarastyryp, elder arasynda tikeleı áýe qatynasyn ashý máselesin talqylady. Hamza Ál-Omarı myrza sonymen qatar «Royal Jordanian» áýe kompanıasynyń 2026 jyldyń maýsymynan bastap aptasyna 2 reıs jıiligimen Qazaqstanǵa tikeleı reısterdi oryndaý josparlary týraly habarlady. Óz kezeginde Qazaqstan tarapy qoldanystaǵy kelisimder aıasynda áýe reısterin ashýǵa qajetti kómek kórsetýge daıyn ekenin málimdedi.
Sonymen qatar, taraptar elder arasyndaǵy teńiz kemeleriniń ekıpaj músheleriniń dıplomdaryn ózara taný týraly kelisimge qol qoıý merzimderi týraly kelisti.