Qytaı Halyq Respublıkasyna ekí aptalyq kurstarǵa Qazaqstannan 30 maman attandy. Būǵan deıín kórshí elden 30 adamnan qūralǵan alǵashqy top oralǵan bolatyn.
Bıyl Qytaıda bílíktílíktí arttyru kurstarynan qazaqstandyq su salasynyń 120 mamany ótedí. Oqytu kurstary Qytaı tarapynyń qarajaty esebínen ūıymdastyrylǵandyqtan, ís-sharany ūıymdastyruǵa Qazaqstan Respublıkasynyń memlekettík byudjetínen qarajat bólíngen joq.
Bıylǵy nauryz aıynda QR Su resurstary jáne ırrıgatsıya mınıstrlígí men QHR Su sharuashylyǵy mınıstrlígí alǵash ret ózara túsínístík pen yntymaqtastyq turaly Memorandumǵa qol qoıǵanyn eske sala keteıík.
Qūjat su resurstaryn ūtymdy jáne tūraqty paıdalanu, zamanauı tehnologıyalardy engízu, balamaly su kózderín bólu men ıgeru baǵyttary boıynsha ekíjaqty yntymaqtastyqty nyǵaıtudy, sondaı-aq tájírıbe almasudy jáne mamandardy bírlesíp dayarlaudy kózdeıdí.
«Qazaqstandyq mamandar Qytaıdan basqa, AQSh, Frantsıya jáne Japonıyada da oqudan óttí. Qazírgí uaqytta basqa da memlekettermen kelíssózder júrgízílíp jatyr. Byltyrǵydaı, bıyl da Qazaqstandaǵy arnaıy ortalyqtarda oqu kurstary ótedí. 2025 jyly būl kurstardan shamamen 1000 maman ótedí dep josparlanyp otyr. Būl byltyrǵymen salystyrǵanda ekí ese kóp»,
— dedí Su resurstary jáne ırrıgatsıya vıtse-mınıstrí Nūrlan Aldamjarov.