Ulttyq parktiń aýmaǵynda 43 týrısik soqpaq bar.
İle-Alataý ulttyq parkinde zańsyz ań aýlaıtyndar azaımaı tur, dep habarlaıdy Almaty-akshamy.kz Almaty.tv silteme jasap.
Memleket qorǵaýyndaǵy aýmaqta jyl basynan beri 3 qylmystyq is qozǵalypty. "Bul ótken jylmen salystyrǵanda kóp", - deıdi mamandar.
«İle Alataýy ulttyq tabıǵı parkinde 350-den astam ınspektor jumys isteıdi. Olardyń negizgi atqaratyn mindeti – tabıǵatty qorǵap, janýarlardy brokonerlerden qorǵaý. Sońǵy 2 jylda 200-den astam ákimshilik quqyqbuzýshylyq tirkeldi. Onyń ishinde zańsyz shóp shabý, mal jaıý, dárilik ósimdikterdi jınaý sekildi zań buzýshylyqtar bar. Olar 370-bap boıynsha jazaǵa tartylady. Ótken jyly elik jáne jabaıy shoshqany atý boıynsha is tirkeldi. Qazir jarty jyldyqtyń ózinde 3 qylmystyq is tirkeldi. Onyń ekeýi elikti jáne jabaıy shoshqany tuzaq arqyly ustaǵandar ustaldy», – dedi İle- Alataý memlekettik ulttyq tabıǵı parkiniń ekolog- aǵartýshysy Samal Ábilova.
Ulttyq parktiń aýmaǵynda 43 týrısik soqpaq bar. Bıyl ony kórýge 344 myńnan astam týrıs kelipti.
«Ulttyq park aýmaǵynda týrızmdi damytý maqsatynda týrısik soqpaqtardy qosymsha abattandyrý jumystary josparlanyp jatyr. Ulttyq parktiń aýmaǵynda 43 týrısik soqpaq bar. Ol soqpaqtardyń negizgisi Medeý fılıaly – Almaty orman sharýashylyǵynda ornalasqan soqpaqtar. Aıýly shatqalynda ornalasqan – Myńkóz soqpaǵy. Osy jerlerge týrıser kóp kelip, qyzyǵýshylyq tanytady. Týrıserdiń de ártúrlisi bolady. Otyrǵan jerin jınamaı, qoqysty shashyp, kez kelgen jerge tastaıdy. Endi bizdiń ınspektor qyzmetkerlerdiń de atqaratyn jumysy – qorshaǵan ortany qorǵaý jáne qoqystan tazartý. Jaýapsyz demalýshylardyń artyn tazalaý. 2021 jyldy qosa eseptegende 344 tonnaǵa jýyq qoqys jınaldy», – dedi İle Alataýy memlekettik ulttyq tabıǵı parkiniń ekolog-aǵartýshysy Samal Ábilova.